🇺🇿Oʻzbekiston Respublikasi
Harbiy xavfsizlik va mudofaa universitetining Harbiy aviatsiya institutida yoshlar uchun Ochiq eshiklar kuni tadbiri tashkil etildi. Tadbir davomida ishtirokchilar institutda yaratilgan shart-sharoitlar,
taʼlim jarayoni, mavjud aviatsiya mutaxassisliklari hamda
harbiy uchuvchilarni tayyorlash tizimi bilan yaqindan tanishdilar.
Shuningdek, yoshlar uchun institut professor-oʻqituvchilari va
tajribali harbiy mutaxassislar tomonidan kasb tanlash,
harbiy xizmatning masʼuliyati va sharafi haqida batafsil maʼlumotlar berildi.Mazkur tadbir yoshlarning harbiy aviatsiya sohasiga boʻlgan qiziqishini oshirish,
ularni Vatanga sadoqat va yuksak masʼuliyat ruhida tarbiyalashga xizmat qildi.Harbiy aviatsiya instituti — kelajak uchuvchilari va mutaxassislarini tayyorlaydigan maskan.

Tadbir davomida mehmonlar institutda yaratilgan zamonaviy oʻquv-moddiy baza, taʼlim jarayonini tashkil etish tizimi, talabalarning yashash va dam olishi uchun yaratilgan qulay shart-sharoitlar bilan yaqindan tanishdi. Shuningdek, mavjud aviatsiya mutaxassisliklari, harbiy uchuvchilarni tayyorlash bosqichlari hamda nazariy va amaliy mashgʻulotlarning oʻziga xos jihatlari haqida batafsil maʼlumotlar berildi.

Ochiq eshiklar kuni doirasida institutning professor-oʻqituvchilari va tajribali harbiy mutaxassislar tomonidan yoshlar bilan uchrashuvlar tashkil etildi. Ushbu muloqot jarayonida kasb tanlash masʼuliyati, harbiy xizmatning sharafi va yuksak burch ekanligi, shuningdek, harbiy aviatsiya sohasida xizmat qilishning muhim jihatlari atroflicha tushuntirib berildi.