Oʻzbekiston Respublikasi Harbiy xavfsizlik va mudofaa universitetining Harbiy aviatsiya institutida ilm-fan va innovatsiyalar sari muhim qadam tashlandi. Institutning “Uchish apparatlari va dvigatellari texnik ekspluatatsiya” sikli professor-o‘qituvchilari hamda Qarshi davlat texnika universitetining “Neft-gaz ishi va ularni qayta ishlash texnologiyasi” kafedrasi professor-o‘qituvchilari hamkorligida “Yoqilg‘i-moylash materiallari qazib olish va ishlab chiqarishdagi muammolar hamda ularning innovatsion yechimlari” mavzusida ilmiy-nazariy seminar tashkil etildi. Seminar davomida sohaning dolzarb masalalari ishlab chiqarish jarayonlaridagi muammolar va ularning zamonaviy innovatsion yechimlari atroflicha muhokama qilindi. Ma’ruzachilar o‘z ilmiy izlanishlari natijalari tajriba va yutuqlarini taqdim etib ishtirokchilarda katta qiziqish va iliq taassurot uyg‘otdi.

Harbiy xavfsizlik va mudofaa universitetining Harbiy aviatsiya instituti negizidagi Jizzax garnizonida joylashgan harbiy qismda davlat va jamoat tashkilotlari hamkorligida buyuk mutafakkir Alisher Navoiy tavalludining 585 yilligi hamda sarkarda va davlat arbobi Zahiriddin Muhammad Bobur tavalludining 543 yilligi munosabati bilan ma’naviy-ma’rifiy tadbir tashkil etildi.Tadbirda ajdodlarimizning boy ilmiy-adabiy merosi, Vatanga muhabbat, adolat va insonparvarlik g‘oyalari haqida mazmunli ma’ruzalar tinglandi. Shuningdek, g‘azal va ruboiylardan namunalar ifodali o‘qilib, sahna ko‘rinishlari orqali Navoiy va Bobur siymosi jonli tasvirda namoyon etildi.Ma’naviyat va tarix uyg‘unlashgan ushbu tadbir harbiy xizmatchilar qalbida milliy g‘urur va ajdodlar merosiga hurmat tuyg‘ularini yanada mustahkamladi.

Bugun Oʻzbekiston Respublikasi Harbiy Xavfsizlik va Mudofaa Universiteti Harbiy Aviatsiya Institutida o‘zbek mumtoz adabiyotining buyuk namoyandasi — Zahiriddin Muhammad Bobur tavallud kunlariga bag‘ishlangan ma’naviy-ma’rifiy tadbir yuqori saviyada tashkil etildi.
Tadbir davomida Ishtirokchilar ajdodlarimizning boy adabiy merosi, Vatanga muhabbat, ilm-fanga intilish va komil inson bo‘lish g‘oyalari haqida chuqur ma’lumotlarga ega bo‘ldilar.
Mazkur tadbir yoshlar qalbida milliy qadriyatlarga hurmat, kitobxonlik madaniyati va ma’naviy barkamollikni shakllantirishga xizmat qildi. Zero, ajdodlar merosi — kelajak poydevori!