⚡️⚡️⚡️ Oʻzbekiston Respublikasi Harbiy xavfsizlik va mudofaa universitetining Harbiy aviatsiya instituti rahbariyati tashabbusi bilan harbiy xizmatchilarning oila a’zolari uchun kitob yarmarkasi tashkil etildi.
Mazkur ma’naviy-ma’rifiy tadbir kitobxonlik madaniyatini yuksaltirish, oilalarda mutolaa an’analarini mustahkamlash hamda yosh avlodni bilim va tafakkur ruhida tarbiyalashga qaratildi. Yarmarka davomida badiiy adabiyotlar, tarixiy asarlar, bolalar uchun mo‘ljallangan kitoblar, ilmiy-ommabop nashrlar hamda ma’naviy-ma’rifiy yo‘nalishdagi adabiyotlar keng namoyish etildi. Ishtirokchilarga kitoblarning mazmun-mohiyati haqida batafsil ma’lumotlar berilib, ular o‘z qiziqish va ehtiyojlariga mos adabiyotlarni tanlab mutolaa uchun qabul qilib oldilar.Tadbir oila muhitida kitobxonlikni targ‘ib etish, ma’naviy kamolotni yuksaltirish hamda bo‘sh vaqtni mazmunli tashkil etishga xizmat qildi.