8-mart "Xalqaro xotin-qizlar kuni" bayrami munosabati bilan Institut tasarrufidagi Jizzax viloyatida joylashgan harbiy qismda xizmat va mehnat vazifasini mardonavor bajarib kelayotgan ayollar ishtirokida “Zakovat malikalari” shiori ostida intellektual o‘yin o‘tkazildi.
O‘yin yakunida to‘plangan ballar natijasiga ko‘ra faxrli o‘rinlarni egallagan jamoalarga hamkor tashkilotlarning qimmatbaho esdalik sovg‘alari topshirildi.

O'zbekiston Respublikasi Prezidenti - Qurolli Kuchlarimiz Oliy Bosh Qo'mondoni Shavkat Mirziyoyevning joriy yil 24-fevral sanasida yoshlar bilan ularning tashabbuslarini qo'llab-quvvatlash bo'yicha o'tkazilgan uchrashuvda ilgari surilgan muhim tashabbuslar O'R HX va MU ning Harbiy aviatsiya institutida tashkil etilgan davra suhbatida yoshlarga yetkazildi.
Tadbirda O'zbekiston Yoshlar Ittifoqi Qashqadaryo viloyati Kengashi, Yoshlar ishlari agentligi viloyat boshqarmasi, Qarshi harbiy prokuraturasidan jalb etilgan vakillar yoshlarni til va kasbga o'rgatish, sportga jalb etish, loyiha va startaplarga ko'mak berish zarurligi yuzasidan maqsadli marralar belgilab olinganligini ta'kidlab o'tishdi.
Uchrashuv so'ngida mavzuga oid flayer, buklet kabi tarqatma materiallar tarqatildi.