⚡️⚡️⚡️ Harbiy aviatsiya institutida 8-mart bayrami nishonlandi Harbiy xavfsizlik va mudofaa universitetining Harbiy aviatsiya instituti negizidagi harbiy qismda 8-mart — Xalqaro xotin-qizlar kuni munosabati bilan tantanali bayram tadbiri o‘tkazildi.Tadbir davomida ayollarning jamiyat va oiladagi beqiyos o‘rni, ularning fidokorona mehnati alohida e’tirof etilib, samimiy tabrik va tilaklar bildirildi.Shuningdek, askar onalari, harbiylarning rafiqalari hamda jajji qizaloqlarga ham bayram tabriklari yo‘llandi.Bayram tadbiri Jizzax viloyati va Paxtakor tumanidan tashrif buyurgan san’atkorlar tomonidan taqdim etilgan konsert dasturi bilan yanada ko‘tarinki ruhda davom etdi.

⚡️⚡️⚡️Oʻzbekiston Respublikasi Harbiy xavfsizlik va mudofaa universitetining Harbiy aviatsiya instituti Tillar kafedrasi tomonidan “Madaniyatlararo muloqotni rivojlantirishda xorijiy tillarning ahamiyati” mavzusida davra suhbati tashkil etildi.Tadbir davomida xorijiy tillarni o‘rganishning bugungi globallashuv davridagi o‘rni, turli millat vakillari o‘rtasida samarali muloqotni rivojlantirishdagi ahamiyati haqida fikr almashildi. Davra suhbatida Quruqlikdagi qoʻshinlar instituti kursantlari, Harbiy aviatsiya instituti kursantlari hamda Xalqaro innovatsion universitet talabalari faol ishtirok etib, o‘z bilim va tajribalari bilan o‘rtoqlashdilar.Mazkur uchrashuv yoshlarning dunyoqarashini kengaytirish, xorijiy tillarga bo‘lgan qiziqishini yanada oshirishga xizmat qildi.

Muloqot davomida harbiy sohadagi zamonaviy texnologiyalarning o‘rni, ayniqsa dron operatorligi faoliyati bo‘yicha keng tushuntirishlar berildi. Kursantlarga uchuvchisiz uchish apparatlarini jangovar va razvedka jarayonlarida qo‘llashning ahamiyati, ularni samarali boshqarish ko‘nikmalarini egallashning bugungi kunda harbiy mutaxassislar uchun muhim yo‘nalish ekanligi ta’kidlandi.

Shuningdek, uchuvchisiz apparatlar yordamida harbiy operatsiyalarni rejalashtirish va bajarishdagi texnologik yangiliklar ham kursantlarga amaliy misollar bilan tushuntirildi. Muloqot davomida yosh mutaxassislar savol-javob shaklida faol ishtirok etib, kelajakdagi professional faoliyatlari uchun muhim tavsiyalar oldi.