Bugun O'zbekiston Respublikasi harbiy xavfsizlik va mudofaa universitetining Harbiy aviatsiya institutida yigitlik burchini o'tab, pok vijdon va jo'shqin qalb bilan o'z ota-onasi bag'riga oshiqqan muddatli harbiy xizmatchilarni tantanali kuzatish marosimi o'tkazildi.
Yil davomida safdoshlariga o'rnak ko'rsatgan o'g'lonlar munosib taqdirlangan bo'lsa, bilim va tafakkuri, namunali intizomi uchun bir qator muddatli harbiy xizmatchilarga imtiyozli tavsiyanomalar tantanali topshirildi.
Tadbirda so'z olganlar yurt himoyachilarining kelgusidagi hayot yo'llarida omad va zafarlar yor bo'lishini tilab qolishdi.

Institutda mehnat faoliyatini olib borayotgan bir guruh ishchi xodimlar uchun Kasaba uyushmasi bilan hamkorlikda Toshkent shahrining diqqatga sazovor maskanlari va zamonaviy qiyofa kasb etayotgan manzillarga ekskursiya tashkil qilindi.
Bu kabi sayohatlar ishchanlik sifatlarini oshirish barobarida shukronalik kayfiyatini uyg'otib boradi.

Namunali xulqi, jangovar tayyorgarlik hamda ma’naviy-ma’rifiy ishlardagi ko‘rsatgan yaxshi natijalari uchun harbiy qism qo‘mondonligi tomonidan oliy ta’lim muassasalariga o‘qishga kirish bo‘yicha imtiyoz beruvchi tavsiyanomalar tantanali topshirildi.
Shuningdek, tadbir davomida harbiy xizmatchilarning xizmat davomidagi fidoyiligi, intizomi va Vatanga sadoqati alohida e’tirof etildi.

Dronlar poygasi hamda Ingliz tili doirasida o'tkazilayotgan olimpiadaning yakuniy bosqichi ham o'z yakuniga yetdi.
Jamoalar yagona maqsad - g'oliblik uchun kurashdilar.

Qizg'in va tengkurashlar ostida kechgan bellashuvlar natijasiga ko'ra Ingliz tili fani bo'yicha jamoaviy bahslarda 3-o'rinni Harbiy xavfsizlik va mudofaa universiteti, 2-o'rinni Harbiy aviatsiya instituti va faxrli 1-o'rinni Quruqlikdagi qo'shinlar instituti jamoasi egallagan bo'lsa, Dronlar poygasi yo'nalishi bo'yicha 3-o'rin Axborot-kommunikatsiyalari va harbiy aloqa institutiga, 2-o'rin Quruqlikdagi qo'shinlar institutiga nasib etgan bo'lsa, faxrli 1-o'rinni Harbiy aviatsiya instituti jamoasi egalladi.