⚡️⚡️⚡️Oʻzbekiston Respublikasi Prezidentining 2026-yil 11-fevraldagi “Startaplarni qoʻllab-quvvatlashning kompleks ekotizimini joriy etish chora-tadbirlari toʻgʻrisida”gi qaroriga muvofiq, yoshlarning innovatsion salohiyatini roʻyobga chiqarish, ilmiy-texnik ishlanmalarni amaliyotga joriy etish hamda startap loyihalarni qoʻllab-quvvatlash maqsadida keng koʻlamli tadbirlar amalga oshirilmoqda.Mazkur qaror ijrosini taʼminlash doirasida Oʻzbekiston Respublikasi Harbiy xavfsizlik va mudofaa universitetining Harbiy aviatsiya instituti hamda Qashqadaryo viloyati Qarshi davlat texnika universiteti hamkorligida institut va universitet tinglovchi-talabalarining muhandislik ishlanmalari boʻyicha koʻrgazmali tadbir tashkil etildi.Tadbir davomida ishtirokchilar tomonidan zamonaviy texnologiyalar asosida yaratilgan innovatsion loyihalar, texnik qurilmalar, dasturiy ishlanmalar hamda startap gʻoyalar keng namoyish etildi. Koʻrgazmada, ayniqsa, aviatsiya sohasi, robototexnika, sunʼiy intellekt va energetika yoʻnalishlariga oid ishlanmalar katta qiziqish uygʻotdi. Yoshlar oʻzlarining innovatsion gʻoyalari va ishlanmalari bilan faol ishtirok etib, oʻzaro tajriba almashish, yangi hamkorlik aloqalarini yoʻlga qoʻyish imkoniyatiga ega boʻldilar. Tadbir yakunida eng istiqbolli loyihalar alohida eʼtirof etilib, ularni amaliyotga joriy etish boʻyicha tavsiyalar berildi.Mazkur bu kabi tashabbuslar yoshlarning ilmiy-texnik ijodkorligini rivojlantirish, ularni zamonaviy kasb va koʻnikmalarga yoʻnaltirish hamda mamlakatimizda innovatsion ekotizimni yanada takomillashtirishga xizmat qiladi.

⚡️⚡️⚡️ Mudofaa vazirligi tasarrufidagi oliy harbiy taʼlim muassasalari kursantlari jamoalari oʻrtasida “Harbiy tarix” mavzusida yuqori saviyada olimpiada tashkil etildi. Mazkur intellektual bellashuvda ishtirokchilar oʻzlarining tarixiy bilimlari, tahliliy fikrlashi hamda harbiy merosga boʻlgan chuqur qiziqishlarini namoyon etdilar.Olimpiadada Oʻzbekiston Respublikasi Harbiy xavfsizlik va mudofaa universitetining Harbiy aviatsiya instituti kursantlar jamoasi ham faol ishtirok etib, bilim va salohiyatini yuqori darajada namoyish etdi. Jamoa aʼzolari murakkab savollarga aniq va asosli javoblar berib, faxrli natijalarga erishdilar.Musobaqa yakunlariga koʻra, yuqori natijalarni qoʻlga kiritgan kursantlar institut rahbari tomonidan tantanali ravishda taqdirlandi. Mazkur olimpiada yosh harbiy kadrlarning intellektual salohiyatini oshirish, ularni tarixiy xotira va milliy qadriyatlarga sodiq ruhda tarbiyalashda muhim ahamiyat kasb etadi.