Mazkur tanlov ishtirokchilarga nafaqat o‘z bilimlarini sinovdan o‘tkazish, balki tarixiy merosimizga bo‘lgan hurmatni yanada mustahkamlash imkonini berdi. Ishtirokchilar test sinovlari orqali bilim darajalarini namoyish etib, ijodiy sahna chiqishlari orqali tarixiy voqealarni jonlantirdilar, sardorlar bahsida esa tezkor fikrlash, tahlil qilish va yetakchilik qobiliyatlarini yorqin ko‘rsatdilar.
Tanlov davomida sog‘lom raqobat muhiti, jamoaviy hamjihatlik va yuksak intellektual salohiyat yaqqol sezildi. Har bir jamoa o‘zining puxta tayyorgarligi va bilimga chanqoqligini namoyon etib, tomoshabinlarda katta taassurot qoldirdi.
Yakuniy natijalarga ko‘ra:
🥇 1-o‘rin — Axborot-kommunikatsiya texnologiyalari va harbiy aloqa instituti “Intellekt” jamoasi
🥈 2-o‘rin — Quruqlikdagi qo‘shinlar instituti
🥉 3-o‘rin — Harbiy aviatsiya instituti
G‘olib jamoa barcha shartlar bo‘yicha eng yuqori natijani qayd etib, bilim va salohiyat borasida yetakchilikni qo‘lga kiritdi.