Maktabda “Kitob sovg‘asi” aksiyasi tashkil etildi.
  

Kasbi tumani 23-umumiy o‘rta ta’lim maktabida ma’naviy-ma’rifiy tadbir bo‘lib o‘tdi.
Tadbir doirasida O‘zbekiston Yozuvchilar uyushmasi hamda mazkur maktabning sobiq o‘quvchisi, hozirda Harbiy aviatsiya instituti kafedra mudiri D. Ochilov tomonidan maktab kutubxonasiga 500 dona badiiy kitob sovg‘a qilindi. Qimmatli kitoblar jamlanmasi o‘quvchilar tomonidan katta xursandchilik bilan kutib olindi.
Tadbirda Kasbi tumani deputati B. Boboqulov, Harbiy aviatsiya instituti kafedra mudiri D. Ochilov hamda maktab direktori Sh. Boboqulov so‘zga chiqib, kitob inson ma’naviyatini boyituvchi eng muhim manba ekanini, ushbu sovg‘a o‘quvchilarning bilim olishiga va barkamol avlod bo‘lib voyaga yetishiga xizmat qilishini ta’kidladilar.

📚 Bunday ezgu tashabbuslar yosh avlodni kitobga mehr qo‘yishga, ularning ma’naviy dunyosini yanada boyitishga xizmat qiladi.

↘️ Yangiliklarni kuzatib boring:
Telegram| Instagram | Airforce.uz

⚡️ ⚡️⚡️ "23-aprel — Butunjahon kitob va mualliflik huquqi kuni" munosabati bilan Harbiy aviatsiya institutida Otabek Hasanov qalamiga mansub “Liderlar kitobi” asariga bag‘ishlangan ma’naviy-ma’rifiy tadbir tashkil etildi.

📚 Mazkur tadbirda institut kursantlari faol ishtirok etib, asarda ilgari surilgan liderlik fazilatlari, vatanparvarlik, mas’uliyat va shaxsiy rivojlanish kabi muhim g‘oyalar yuzasidan fikr almashdilar. Tadbir davomida muhokamalar tashkil qilindi hamda yoshlar uchun liderlik ko‘nikmalarini shakllantirishga oid tavsiyalar berildi.

💹 Ushbu uchrashuv kursantlarning kitobxonlik madaniyatini oshirish, ularni yetuk va mas’uliyatli yetakchilar etib tarbiyalash yo‘lida muhim ahamiyat kasb etdi.

↘️ Yangiliklarni kuzatib boring:
Telegram| Instagram | Airforce.uz

⚡️⚡️⚡️Jizzax garnizonida joylashgan harbiy qismda harbiy xizmatchilar uchun “Kitob yarmarkasi” tashkil etildi.

Ushbu yarmarkadan ko‘zlangan maqsad harbiy xizmatchilar o‘rtasida kitobxonlik madaniyatini oshirish, mutolaa orqali ularning ma’naviy dunyoqarashini boyitish hamda bo‘sh vaqtlarini mazmunli tashkil etishdan iborat bo‘ldi. Kitob yarmarkasida badiiy adabiyotlar, tarixiy asarlar, ma’naviy-ma’rifiy va tarbiyaviy mazmundagi kitoblar namoyish etildi.

“Kitob yarmarkasi” harbiy xizmatchilarda kitobga bo‘lgan qiziqishni yanada oshirib, ularni bilimli, ma’naviy yetuk va vatanparvar shaxs etib tarbiyalashga xizmat qildi. Tadbir ko‘tarinki ruhda o‘tib, harbiy xizmatchilar o‘zlari yoqtirgan kitoblarni xarid qilishdi.

↘️ Yangiliklarni kuzatib boring:
Telegram| Instagram | Airforce.uz