⚡️⚡️⚡️Oʻzbekiston Respublikasi Harbiy xavfsizlik va mudofaa universitetining Harbiy aviatsiya institutiga Xalqaro Innovatsion universitet talabalari tashrif buyurishdi.Tashrif davomida talabalar institutning faoliyati, zamonaviy oʻquv jarayonlari va texnik imkoniyatlari bilan yaqindan tanishdilar. Shuningdek, oʻzlarini qiziqtirgan savollarga mutaxassislar tomonidan batafsil javoblar oldilar.Mazkur tashrif yoshlarda harbiy kasbga qiziqishni oshirib, vatanparvarlik ruhini mustahkamlashga xizmat qildi.

O‘zbekiston Respublikasi Harbiy xavfsizlik va mudofaa universitetining Harbiy aviatsiya instituti hamda Qarshi davlat texnika universiteti o‘rtasida imzolangan memorandumga asosan professor o‘qituvchilar, ofitserlar va kursantlar shaxsiy tarkibi “Energetika muhandisligi” fakultetida tashkil etilgan ilmiy-moddiy texnik poligonida yaratilgan zamonaviy texnologiyalar, uskunalar va ularning ishlash prinsiplari bilan yaqinda tanishdilar. Tashrif davomida nazariy bilimlarni amaliyot bilan uyg‘unlashtirish, texnik ko‘nikmalarni mustahkamlash hamda soha bo‘yicha ilg‘or tajribalarni o‘rganishga alohida e’tibor qaratildi. Shuningdek kursantlarning mutaxassislik bilim va ko‘nikmalarini ilg‘or texnologiyalarni joriy etish hamda ulari harbiy sohada qo‘llash istiqbollari yuzasidan fikr almashildi.

Tadbir davomida mehmonlarga institutda yaratilgan zamonaviy shart-sharoitlar, taʼlim jarayonlari hamda harbiy tayyorgarlik tizimi haqida batafsil maʼlumot berildi. Oʻquvchilar institut hududi, maxsus jihozlangan sinfxonalar va texnik bazalar bilan yaqindan tanishish imkoniga ega boʻldi.

Shuningdek, kun davomida oʻquvchilar harbiy aviatsiya sohasiga oid zarur va qiziqarli maʼlumotlarni oldi. Mutaxassislar tomonidan ularga qiziqtirgan savollar yuzasidan atroflicha javoblar berildi.