🇺🇿O'zbekiston Respublikasi harbiy xavfsizlik va mudofaa universitetining Harbiy aviatsiya institutida Qashqadaryo viloyati IIB, Qarshi harbiy prokuraturasi, Din ishlari bo'yicha qo'mitaning viloyat bo'limi mas'ul xodimlari ishtirokida "Diniy oqimlarning turlari va jamoalarda diniy fonning oshib ketishini oldini olish" mavzusida profilaktik tadbir o'tkazildi.Tadbirda so'z olganlar bugun Vatan himoyasi naqadar ulug' burch ekanligi, uni asrab avaylash, tun-u kun qo'riqlashning ijtimoiy ahamiyati haqida fikr bildirib o'tishdi. Shuningdek, harbiy xizmatchilar xizmat burchini bajarish vaqtida yuqori jangovar shaylikni saqlash maqsadida boshqa turdagi faoliyat yoki yumushlar bilan chalg'ishi qat'iyan taqiqlanganligi, o'zi va oila a'zolarini turli buzg'unchi g'oyalardan asrashi lozimligi ta'kidlandi.Bu kabi tadbirlar harbiy xizmatchilarning ma'naviy olamining boyishiga, vaziyatni oqilona baholashga va to'g'ri qaror qabul qilishiga undaydi.

🏟 Musobaqa Qarshi shahrida joylashgan Harbiy aviatsiya institutida yuqori saviyada tashkil etilib, bahslarga boy va murosasiz uchrashuvlarga ulanib ketdi. Har bir jamoa g‘alaba uchun bor kuch va mahoratini namoyon etdi.
Qizg‘in va murosasiz kechgan final bahslaridan so‘ng Qarshi shahar 1-son politexnikum jamoasi musobaqa g‘olibligini qo‘lga kiritib, Qarshi harbiy prokurori kubogi sohibiga aylandi. G‘olib jamoalar tashkilotchilar tomonidan diplom, medal hamda esdalik sovg‘alari bilan taqdirlandi.