🇺🇿Oʻzbekiston Respublikasi Harbiy xavfsizlik va mudofaa universitetining Harbiy aviatsiya institutida harbiy xizmatchilarda jangovar ruh va ishonchni yanada oshirish, jamoaviy birdamlikni mustahkamlash, stress hamda qo‘rquvni boshqarish ko‘nikmalarini shakllantirish, Vatanga sadoqat, mas’uliyat va ichki motivatsiyani kuchaytirish maqsadida harbiy psixolog tomonidan “Jangovar ruhni oshirish va ahloqiy-ruhiy holatni mustahkamlash” mavzusida amaliy mashg‘ulot va jangovar-psixologik trening tashkil etildi.Mashg‘ulot davomida harbiy xizmatchilarga murakkab vaziyatlarda ruhiy barqarorlikni saqlash, tezkor va to‘g‘ri qaror qabul qilish, jamoa bilan uyg‘un harakat qilish hamda xizmat vazifalarini yuksak mas’uliyat bilan bajarish bo‘yicha tavsiyalar berildi. Shuningdek, trening jarayonida motivatsion usullar, psixologik tayyorgarlik mashqlari va amaliy vaziyatlar orqali harbiylarning ahloqiy-ruhiy holatini mustahkamlashga alohida e’tibor qaratildi.