🇺🇿Oʻzbekiston Respublikasi Harbiy xavfsizlik va mudofaa universitetining Harbiy aviatsiya institutida harbiy xizmatchilar uchun Oʻzbekiston davlat filarmoniyasi Qashqadaryo viloyati boshqarmasi tomonidan “Dil ohanglari” nomli konsert dasturi namoyish etildi.Mazkur madaniy tadbir harbiy xizmatchilarning maʼnaviy-ruhiy kayfiyatini yanada yuksaltirish, ularning boʻsh vaqtini mazmunli tashkil etish hamda milliy sanʼat va madaniyatga boʻlgan qiziqishini oshirishga xizmat qildi. Konsert davomida isteʼdodli sanʼatkorlar tomonidan ijro etilgan kuy-qoʻshiqlar tadbir ishtirokchilariga koʻtarinki kayfiyat ulashdi.