🇺🇿Oʻzbekiston Respublikasi Harbiy xavfsizlik va mudofaa universitetining Harbiy aviatsiya institutiga qarashli Jizzax garnizonida joylashgan harbiy qismda "Bitta askar — bitta kasb" tamoyili asosida tizimli ishlar amalga oshirilmoqda.
Mazkur tashabbus muddatli harbiy xizmatchilarni oliy taʼlim muassasalariga tayyorlash, ularning bilim va kasbiy ko‘nikmalarini oshirish hamda kelgusida aniq bir kasb egasi bo‘lib yetishishiga xizmat qilmoqda.

🇺🇿 Oʻzbekiston Respublikasi Harbiy xavfsizlik va mudofaa universitetining Harbiy aviatsiya institutida "Aviatsiya sohasida kadrlar tayyorlash va malakasini oshirishning zamonaviy tendensiyalari: innovatsiya, xavfsizlik va raqamli transformatsiya" mavzusida Respublika miqyosidagi ilmiy-nazariy konferensiya boʻlib oʻtdi. Mazkur konferensiyada oliy taʼlim muassasalari professor-oʻqituvchilari, soha mutaxassislari, ilmiy izlanuvchilar hamda harbiy taʼlim vakillari ishtirok etib, aviatsiya sohasida zamonaviy kadrlar tayyorlash tizimini takomillashtirish, ilgʻor innovatsion texnologiyalarni joriy etish, xavfsizlikni taʼminlash va raqamli transformatsiya jarayonlarini rivojlantirishga oid dolzarb masalalar yuzasidan ilmiy maʼruzalar hamda takliflar bilan ishtirok etdilar.