🇺🇿Oʻzbekiston Respublikasi Harbiy xavfsizlik va mudofaa universitetining Harbiy aviatsiya institutida 6-maktabning "Turon" teatr jamoasi tomonidan harbiy xizmatchilar hamda ishchi-xodimlar uchun maʼnaviy-maʼrifiy tadbir tashkil etildi.Tadbir davomida yozuvchi Javlon Jovliyevning "Qoʻrqma" romanidan sahnalashtirilgan parchalar namoyish etildi. Sahna koʻrinishlari orqali asarda ilgari surilgan vatanparvarlik, jasorat, milliy oʻzlikni anglash va maʼnaviy qadriyatlarga sadoqat gʻoyalari tomoshabinlarga badiiy mahorat bilan yetkazildi. Mazmunan boy va taʼsirchan chiqishlar yigʻilganlarda katta taassurot qoldirib, ularni ezgu fazilatlar hamda yuksak maʼnaviy qadriyatlar haqida chuqur mushohada yuritishga undadi.

🇺🇿O‘zbekiston Respublikasi Harbiy xavfsizlik va mudofaa universitetining Harbiy aviatsiya institutida “Giyohvandlikning ilk belgilari, uni aniqlash va tezkor profilaktikasi” mavzusida targ‘ibot tadbiri o‘tkazildi.
Tadbirda institut rahbariyati, professor-o‘qituvchilar hamda harbiy xizmatchilar ishtirok etdi. So‘zga chiqqan mutaxassislar giyohvandlikning dastlabki belgilari, uni erta aniqlash, oldini olish choralari va sog‘lom turmush tarzining ahamiyati haqida ma’lumot berdi. Shuningdek, zararli odatlarga qarshi kurashishda profilaktikaning o‘rni, bo‘sh vaqtni mazmunli tashkil etish hamda sog‘lom ma’naviy muhitni shakllantirish masalalariga alohida e’tibor qaratildi.Tadbir yakunida ishtirokchilarga sog‘lom turmush tarziga rioya qilish va giyohvandlikning oldini olish bo‘yicha tavsiyalar berildi.