🇺🇿O‘zbekiston Respublikasi Mudofaa vazirligi hamda Notarial palatasi o‘rtasidagi hamkorlik memorandumi doirasida harbiy xizmatchilar va Qurolli Kuchlar ishchi-xizmatchilarining huquqiy bilimlarini oshirish maqsadida davra suhbati o‘tkazildi.Tadbirda Notarial palata Qashqadaryo viloyati hududiy boshqarmasi boshlig‘i Xudoyberdiyev Jo‘ra Qo‘ysinovich ishtirok etib, notarial sohadagi yangiliklar, hujjatlarni rasmiylashtirish tartibi va amaliy masalalar yuzasidan ma’lumot berdi.Uchrashuv yakunida ishtirokchilar o‘zlarini qiziqtirgan savollar yuzasidan fikr almashdilar.

🇺🇿O‘zbekiston Respublikasi Mustaqilligining 35 yilligi munosabati bilan Surxondaryo viloyatida o‘tkazilayotgan “TECHNO DRIVE — 2026” ochiq musobaqasida Harbiy aviatsiya instituti kursantlari ham faol ishtirok etmoqda.Musobaqa doirasida dron poygasi, robotlar jangi, kibersport, raketa model sporti, robot-sapyor hamda aviamodel sporti kabi zamonaviy texnologik yo‘nalishlarda bellashuvlar tashkil etilmoqda.Kursantlar bahslarda o‘zlarining texnik bilimlari, puxta tayyorgarligi, tezkor fikrlashi va amaliy ko‘nikmalarini namoyon etib, munosib natijalarga erishmoqda.Ularning ishtiroki zamonaviy texnologiyalarni puxta egallagan, bilimli va salohiyatli yosh harbiy mutaxassislarni tayyorlash borasidagi ishlarning amaliy ifodasidir.

🇺🇿O‘zbekiston Respublikasi Harbiy xavfsizlik va mudofaa universitetining Harbiy aviatsiya institutida O‘zbekiston yoshlar ittifoqi boshlang‘ich tashkiloti faoliyati o‘rganildi.O‘rganish davomida boshlang‘ich tashkilot faoliyatining samaradorligini oshirish, yoshlar bilan ishlash tizimini yanada takomillashtirish, ularning tashabbuslarini qo‘llab-quvvatlash hamda ma’naviy-ma’rifiy, sport va harbiy-vatanparvarlik yo‘nalishidagi tadbirlarni yanada kuchaytirish bo‘yicha takliflar bildirildi.Shuningdek, kelgusida amalga oshiriladigan qo‘shimcha chora-tadbirlar belgilab olindi.