🇺🇿O‘zbekiston Respublikasi Harbiy xavfsizlik va mudofaa universitetining Harbiy aviatsiya institutida O‘zbekiston yoshlar ittifoqi boshlang‘ich tashkiloti faoliyati o‘rganildi.O‘rganish davomida boshlang‘ich tashkilot faoliyatining samaradorligini oshirish, yoshlar bilan ishlash tizimini yanada takomillashtirish, ularning tashabbuslarini qo‘llab-quvvatlash hamda ma’naviy-ma’rifiy, sport va harbiy-vatanparvarlik yo‘nalishidagi tadbirlarni yanada kuchaytirish bo‘yicha takliflar bildirildi.Shuningdek, kelgusida amalga oshiriladigan qo‘shimcha chora-tadbirlar belgilab olindi.

🇺🇿O‘zbekiston Respublikasi Prezidentining tegishli qarori hamda Mudofaa vazirining buyrug‘i asosida qo‘shinlarda “Ma’naviyat qalqoni” respublika kitobxonlik tanloviga tayyorgarlik ishlari olib borilmoqda. Shu jumladan Oʻzbekiston Respublikasi Harbiy xavfsizlik va mudofaa universitetining Harbiy aviatsiya institutida Ma’naviyat va ma’rifat markazlari, Madaniyat markazlari hamda kutubxona xodimlari ishtirokida uslubiy yig‘inlar tashkil etilmoqda. Asosiy maqsad — tanlovni yuqori saviyada o‘tkazish, kutubxonalar faoliyatini takomillashtirish va harbiy xizmatchilar o‘rtasida kitobxonlik madaniyatini yanada rivojlantirish.

O‘zbekiston Respublikasi davlat mustaqilligining 35 yilligi munosabati bilan Harbiy aviatsiya institutida “Vatan uchun fidoyilik — Mustaqillikning eng yuksak qadriyati: tarix, xotira va zamonaviy talqinlar” mavzusida respublika ilmiy-amaliy konferensiyasi bo‘lib o‘tdi.

Unda mustaqillikning tarixiy ahamiyati, ajdodlarimizning Vatan yo‘lidagi fidoyiligi, milliy xotira va bugungi vatanparvarlik masalalari muhokama qilindi.