Tadbirda markaz tarbiyalanuvchilariga bayram sovg‘alari topshirilib, Institut boshlig‘ining tabrigi yetkazildi. Harbiy chiqishlar, vatanparvarlik kuy-qo‘shiqlari va badiiy dasturlar bolajonlarga ko‘tarinki kayfiyat ulashdi. Tadbir mehr-oqibat, insonparvarlik va shukronalik tuyg‘ularini mustahkamlashga xizmat qildi.

🇺🇿O‘zbekiston Respublikasi Harbiy xavfsizlik va mudofaa universitetining Harbiy aviatsiya instituti negizida Jizzax garnizonida joylashgan harbiy qismda O‘zbekiston Respublikasi mustaqilligining 35 yilligi munosabati bilan bayram tadbiri bo‘lib o‘tdi.
Tadbir davomida Vatanimiz mustaqilligi, tinchligi va osoyishtaligini ta’minlash yo‘lida fidokorona xizmat qilayotgan harbiy xizmatchilar hamda ishchi-xizmatchilarning samarali mehnati alohida e’tirof etildi.Bayram tadbiri yakunida bir guruh harbiy xizmatchilar va ishchi-xizmatchilar harbiy qism qo‘mondonligi tomonidan munosib taqdirlandi.Tantanali tadbir ishtirokchilarga ko‘tarinki kayfiyat ulashib, Vatanga sadoqat va fidoyilik tuyg‘ularini yanada mustahkamladi.

Unda Janubiy-g‘arbiy maxsus harbiy okrug rahbariyati hamda O‘zbekiston Respublikasi Harbiy xavfsizlik va mudofaa universiteti Harbiy aviatsiya instituti harbiy orkestr jamoasi ishtirok etdi.

Tadbirda o‘quvchilarga yangi o‘quv yilida mustahkam bilim, ulkan zafar va muvaffaqiyatlar tilandi. Shuningdek, yosh avlodni Vatanga sadoqat, milliy qadriyatlarga hurmat va yurt ravnaqiga daxldorlik ruhida tarbiyalash muhim vazifa ekani ta’kidlandi.

Harbiy orkestr jamoasi tomonidan ijro etilgan kuy-qo‘shiqlar tadbirga bayramona ruh bag‘ishlab, o‘quvchilar va mehmonlarga ko‘tarinki kayfiyat ulashdi.