🇺🇿O‘zbekiston Respublikasi Harbiy xavfsizlik va mudofaa universitetining Harbiy aviatsiya institutida shahardagi umumta’lim maktablaridan kelayotgan o‘quvchi yoshlar uchun zamonaviy kasblarga yo‘naltirilgan to‘garaklar tashkil etilgan.Mashg‘ulotlarda yoshlar IT, dasturlash, aviatsiya va texnik yo‘nalishlar bo‘yicha nazariy bilim hamda amaliy ko‘nikmalarga ega bo‘lmoqda.

Joriy yilning 17-sentyabr kuni O‘zbekiston Respublikasi Qashqadaryo viloyati MMA aralash jang san’ati federatsiyasi bilan hamkorlikda Harbiy aviatsiya institutida ilk marotaba “Yuksak jangovar ruh — askarning yengilmas kuchi, armiyaning qudratidir” shiori ostida “Institut rahbari kubogi” uchun aralash jang san’ati musobaqasi o‘tkaziladi. Bu kabi musobaqalar ishtirokchilarning jangovar ruhini, jismoniy tayyorgarligini, irodasi va sport mahoratini namoyon etishiga xizmat qiladi.

🇺🇿O‘zbekiston Respublikasi Harbiy xavfsizlik va mudofaa universitetining Harbiy aviatsiya institutida O‘zbekiston Respublikasi Mudofaa vazirining tegishli buyrug‘i asosida professor-o‘qituvchilar tarkibining kasbiy bilim va pedagogik mahoratini yanada oshirishga qaratilgan o‘quv-uslubiy yig‘in o‘z ishini boshladi.Yig‘in davomida institutning barcha professor-o‘qituvchilari ishtirokida zamonaviy ta’lim metodlari, o‘quv jarayonini samarali tashkil etish, mashg‘ulotlar sifatini oshirish hamda ta’lim samaradorligini ta’minlashga qaratilgan mashg‘ulot va ma’ruzalar tashkil etildi.Tadbir doirasida soha mutaxassislari va tajribali ma’ruzachilar tomonidan dolzarb mavzularda ma’ruzalar o‘qilib, ishtirokchilarga zarur nazariy va amaliy bilimlar yetkazilib.Shuningdek, mashg‘ulotlar davomida tinglovchilar o‘zlarini qiziqtirgan savollar bilan murojaat qilib, ularga mutaxassislar tomonidan aniq javoblar berildi.

🇺🇿O‘zbekiston Respublikasi Harbiy xavfsizlik va mudofaa universitetining Harbiy aviatsiya institutida kursantlar o‘rtasida “Dronlar poygasi” musobaqasi boshlandi.Bellashuvda ishtirokchilar dronlarni boshqarish bo‘yicha o‘z mahoratlarini namoyish etmoqda.

Tadbirning muhim jihatlaridan biri — turli oliy ta’lim muassasalaridan tajribali professor-o‘qituvchilar va soha mutaxassislarining tashrifidir. Mehmon ma’ruzachilar tomonidan ta’lim jarayonining dolzarb masalalari yuzasidan mazmunli ma’ruzalar o‘qilib, ilg‘or pedagogik yondashuvlar, zamonaviy metodlar va amaliy tajribalar bilan o‘rtoqlashilmoqda. Mazkur uchrashuvlar davomida professor-o‘qituvchilar o‘rtasida tajriba almashish, fikr va mulohazalar bilan o‘rtoqlashish hamda kasbiy ko‘nikmalarni yanada rivojlantirish uchun keng imkoniyatlar yaratilmoqda.Shuningdek, mashg‘ulotlar jarayonida ishtirokchilar o‘zlarini qiziqtirgan savollar bilan murojaat qilib, mutaxassislar bilan ochiq muloqot olib bormoqda.Bunday o‘quv-uslubiy tadbirlar ta’lim sifatini yanada oshirish, ilg‘or tajribalarni ommalashtirish va professor-o‘qituvchilarning kasbiy hamda pedagogik salohiyatini mustahkamlashga xizmat qilmoqda.