Avlodlar o'rtasida ko'prik vazifasini o'tayotgan mazkur tadbirning navbatdagisi Janubi-g'arbiy maxsus harbiy okrug faxriylar ishlari bo'yicha kengashi tashabbusi bilan Yoshlar ittifoqi Qashqadaryo viloyati kengashi hamkorligida O'zbekiston Respublikasi Harbiy xavfsizlik va mudofaa universitetining Harbiy aviatsiya bilim yurtida o'tkazildi.

Maskanda ta'lim berayotgan ustozlar va kursantlarga okrug faxriylari tomonidan murakkab vaziyatlarda to'g'ri qaror qabul qilish, maqsadni aniq belgilagan holda harakat boshlash kabi maslahatlar berildi. Bugungi armiyada yaratilgan shart sharoitlar bir vaqtlar ular uchun orzu bo'lganligi, bu kabi imkoniyatlardan unumli foydalanishga barcha birdek burchli ekanligi alohida ta'kidlandi.

🇺🇿O‘zbekiston Respublikasi Qashqadaryo viloyati MMA (aralash jang san’ati) federatsiyasi bilan hamkorlikda Harbiy aviatsiya institutida ilk marotaba “Yuksak jangovar ruh — askarning yengilmas kuchi, armiyaning qudratidir!” shiori ostida “Institut rahbari kubogi” uchun aralash jang san’ati bo‘yicha musobaqa o‘tkazildi.
Musobaqada ishtirokchilar o‘zaro bellashib, jismoniy tayyorgarlik, mahorat, matonat va yuksak jangovar ruhlarini namoyish etdilar.Musoboqalarda g‘olib va sovrindorlar aniqlanib, ular institut rahbariyati tomonidan munosib taqdirlandilar.Mazkur musobaqa harbiy xizmatchilar o‘rtasida sog‘lom raqobatni kuchaytirish, jismoniy tayyorgarlikni oshirish hamda yuksak jangovar ruhni shakllantirishga xizmat qildi.Yuksak jangovar ruh — kuchli armiya garovidir!