Gukesh va Praggnanandhaaga 15 500 dollardan mukofot berildi!

Hindistonning Tamil Nadu shtati hukumati Samarqandda o‘tkazilgan 2026-yilgi Shaxmat Olimpiadasida medal qo‘lga kiritgan o‘z shaxmatchilarini pul mukofotlari bilan taqdirladi.

💰Mukofotlar:

Gukesh D — 15 500 dollar
R Praggnanandhaa — 15 500 dollar
R Vaishali — 10 400 dollar
Savitha Shri B — 10 400 dollar
Jamoa sardori Srinath Narayanan — 10 400 dollar
Hindistonning ochiq yo‘nalishdagi terma jamoasi Olimpiadada kumush, ayollar terma jamoasi esa bronza medalni qo‘lga kiritgan edi.

👉Taqqoslash uchun, Olimpiada chempioniga aylangan O‘zbekiston terma jamoasining har bir a’zosi 200 ming dollar, uy va Volkswagen Teramont Pro avtomobili bilan mukofotlangan.

📱YouTube 📱Instagram 📱Telegram
📱Chesscom 📱Ilova

UzChess Arena'da ishtirok eting!

⚡️Vaqt nazorati: 1+0

🎁Sovrinlar:
🥇 1-o‘rin — 1 yillik Uzchess Premium
🥈 2-o‘rin — 3 oylik Uzchess Premium
🥉 3-o‘rin — 1 oylik Uzchess Premium

♟ Ishtirok etish uchun shu yerga bosing

📱YouTube 📱Instagram 📱Telegram
📱Chesscom 📱Ilova

Yan Nepomnyashchiy: “Sindarov favorit, ammo jahon tojiga yo‘l oson bo‘lmaydi”

Jahon chempionligi uchun ikki marta kurashgan rossiyalik grossmeyster Yan Nepomnyashchiy The Hindu nashriga bergan intervyusida Javohir Sindarov va Gukesh o‘rtasidagi bo‘lajak match haqida fikr bildirdi.

“Jahon chempionligi uchun match oddiy turnirdan butunlay farq qiladi. Turnirda bir partiyani yomon o‘tkazsangiz, keyingi raqibni yutib, vaziyatni o‘nglashingiz mumkin. Bu yerda esa doim bitta raqibga qarshi o‘ynaysiz”, — dedi Nepomnyashchiy.

“Ularning ikkalasi ham juda yosh. Bu yoshda sport formasi tez o‘zgarishi mumkin. Hozir Sindarov katta favorit, ammo imkoniyatlarni 80:20 deb baholamagan bo‘lardim. Menimcha, 65:35 nisbati haqiqatga yaqinroq”, — dedi grossmeyster.

Biroq grossmeyster dastlabki partiyaning ahamiyatini alohida ta’kidladi. Uning fikricha, Sindarov g‘alaba bilan boshlasa, ustunligini yanada oshirishi mumkin. Gukesh yaxshi boshlasa esa matchning borishi butunlay o‘zgarishi mumkin.

Siz Neponing 65:35 bahosiga qo‘shilasizmi?

📱YouTube 📱Instagram 📱Telegram
📱Chesscom 📱Ilova

TASODIFLAR TASODIFAN BO'LMAYDI!

🏆To‘rt yil avval Chennaydagi oltin medalni kutilmagan mo‘jizaga yo‘yganlar bo‘lgan edi. Ammo Samarqand mezbonlik qilgan Olimpiadada yigitlarimiz butunlay boshqa maqomda — chempionlik uchun asosiy favoritlardan biri sifatida boshladi.

🔥Hindistonga qarshi match taqdirini butunlay ostin-ustun qilib yuborgan Yoqubboevning bitta taktik yurishi, ilk mag‘lubiyatdan keyin birinchi raqamli jamoa — AQShga berilgan sovuqqon javob va asablar eng taranglashgan so‘nggi turdagi tarixiy lahzalar. Biz bu yo‘lni bosib o‘tdik!

🇺🇿O‘zbekiston qanday qilib ikkinchi marta Shaxmat Olimpiadasi chempioniga aylandi?

🎬To‘liq videoni YouTube kanalimizda tomosha qiling!

🔴videoni ko'rish

📱YouTube 📱Instagram 📱Telegram
📱Chesscom 📱Ilova

Nodirbek Abdusattorov: “Sindarov shaxmat tarixidagi eng iste’dodli besh shaxmatchidan biri!”

Nodirbek Abdusattorov Javohir Sindarovning iste’dodi, uning muvaffaqiyatlari va bu natijalar o‘ziga qanday ta’sir qilgani haqida gapirdi.

🗣 “Biz uning salohiyatini yaxshi bilamiz. Javohir nihoyatda iste’dodli, hatto mendan ham iste’dodliroq. 2021–2022-yillargacha u shaxmatga unchalik ko‘p vaqt ajratmasdi, boshqa ishlar bilan ham shug‘ullanardi.

Menimcha, u shaxmat tarixidagi eng iste’dodli besh shaxmatchidan biri. Kasparov va boshqa buyuk shaxmatchilar qatorida. Iste’dod jihatidan ulardan aslo qolishmaydi. Shunchaki, u uzoq vaqt o‘z salohiyatini to‘liq namoyon eta olmadi va biroz soyada qolib ketdi”.

Nodirbek Sindarovning muvaffaqiyatlari unga ham katta turtki berganini ta’kidladi:

🗣 “2022-yilda men birinchi bo‘lib 2700 reyting marrasidan o‘tdim. 2025-yilgacha reyting bo‘yicha kuchli shaxmatchilar qatorida edim. Lekin Nomzodlar turniriga chiqa olmadim. Avvaliga yoshligim, keyinchalik tajribam yetishmagani bunga to‘sqinlik qildi.

Ko‘p yillar davomida men Javohirdan bir qadam oldinda edim. Endi esa u mendan o‘zib ketdi va bu marraga birinchi bo‘lib erishdi.

Uning ketma-ket g‘alabalari menga ikkinchi nafas berdi. Javohir buning uddasidan chiqish mumkinligini ko‘rsatdi, yo‘l ochib berdi va o‘zimga bo‘lgan ishonchimni oshirdi.
Endi u oldinda, men esa uning ortidan ketyapman”.

Sizningcha, Sindarov haqiqatan ham shaxmat tarixidagi eng iste’dodli besh shaxmatchidan birimi?

📱YouTube 📱Instagram 📱Telegram
📱Chesscom 📱Ilova

UzChess Open’da ishtirok eting!

⚡️Vaqt nazorati: 1+0

🎁Sovrinlar:
🥇 1-o‘rin — 1 yillik Uzchess Premium
🥈 2-o‘rin — 3 oylik Uzchess Premium
🥉 3-o‘rin — 1 oylik Uzchess Premium

♟ Ishtirok etish uchun shu yerga bosing

Turnir 20:00'da boshlanadi

📱YouTube 📱Instagram 📱Telegram
📱Chesscom 📱Ilova

Yu Yangyi Ding Lirenni armageddonda mag‘lub etib, Shenzhen Masters chempioni bo‘ldi!

Xitoyning Shenzhen shahrida o‘tkazilgan Shenzhen Nanshan Masters 2026 turniri yakunlandi. 12 nafar shaxmatchi ishtirok etgan rapid musobaqasida Yu Yangyi g‘oliblikni qo‘lga kiritdi.

Finalda u sobiq jahon chempioni va turnirning amaldagi g‘olibi Ding Liren bilan to‘qnash keldi.

Hal qiluvchi bahs nihoyatda keskin o‘tdi. Dastlabki to‘rtta rapid partiyaning barchasi durang bilan yakunlandi. Shundan so‘ng blitsda raqiblar bittadan g‘alaba qozonishdi.
Chempionlik taqdiri armageddonda hal bo‘ldi. Oq donalarda o‘ynagan Yu Yangyi Ding Lirenni mag‘lub etib, finalda 4:3 hisobida ustun keldi.

Yu Yangyi finalga qadar yarim finalda Vang Haoni 3:1 hisobida yenggan edi. Ding Liren esa yarim finalda Kong Xiangrui ustidan g‘alaba qozongandi.

📱YouTube 📱Instagram 📱Telegram
📱Chesscom 📱Ilova

Fabiano Karuana AQSh chempionatida peshqadamlar safiga qo‘shildi!

Sent-Luis shahrida davom etayotgan AQSh chempionatining 4-turi o'z nihoyasiga yetdi.

⚡Fabiano Karuana Ray Robsonni 77 yurish davom etgan ruxli endshpilda mag‘lub etib, ochkolari sonini 3 taga yetkazdi. Shu tariqa u Levon Aronian bilan durang o‘ynagan Uesli Soga yetib oldi.

Turning boshqa uchrashuvlarida ham qiziqarli natijalar qayd etildi:

Jeffery Xiong — Avonder Liang: 1:0
Hans Niemann — Abhimanyu Mishra: 1:0
Grigoriy Oparin — Sam Sevian: 1:0

👉To‘rt turdan so‘ng Karuana va So 3 ochkodan jamg‘arib, turnir jadvalida birgalikda yetakchilik qilmoqda.

Sizningcha, bu yil AQSh chempioni kim bo‘ladi — Karuana, So yoki boshqa shaxmatchi?

📱YouTube 📱Instagram 📱Telegram
📱Chesscom 📱Ilova

📚Mutolaa" ixlosmandlari va shaxmat sevarlar uchun maxsus — DAVRA ARENA'da ishtirok eting!

⚡Vaqt nazorati: 3+1

🎁 Sovrinlar:
🥇 1-o‘rin — 1 yillik Mutolaa Premium
🥈 2-o‘rin — 1 oylik Mutolaa Premium
🥉 3-o‘rin — 1 oylik Mutolaa Premium

➡️Ishtirok etish uchun shu yerga bosing

📱YouTube 📱Instagram 📱Telegram
📱Chesscom 📱Ilova

620 million so‘m sovrin jamg‘armasi! “Zakovat-Gambit” turniriga ro‘yxatdan o‘tish davom etmoqda

⚡O‘zbekistonda beshinchi bor “Zakovat-Gambit” shaxmat turniri o‘tkaziladi. Musobaqada yoshidan qat’i nazar, barcha O‘zbekiston fuqarolari o‘z reytingiga mos guruhda ishtirok etishi mumkin.

💰Sovrin jamg‘armasi — 620 million so‘m!

⏳Ro‘yxatdan o‘tish 15-oktabr, soat 23:59 da yakunlanadi.
🔗Ro‘yxatdan o‘tish: https://gambit.zakovatklubi.uz

📱YouTube 📱Instagram 📱Telegram
📱Chesscom 📱Ilova

Fabiano Karuana Titled Tuesday g'olibi!

🇺🇸AQSh chempionatida ishtirok etayotgan Fabiano Karuana 13-oktabr kungi tanaffusni dam olishga emas, Chess.com’dagi Titled Tuesday turnirida g‘olib chiqishga sarfladi!

Karuana 11 turda 9,5 ochko to‘plab, birorta ham mag‘lubiyatga uchramadi. O‘ninchi turda Nihal Sarinni yengdi, so‘nggi turdagi durang esa unga yakka chempionlik uchun yetarli bo‘ldi.

🥇Fabiano Karuana — 9,5 ochko
🥈Hikaru Nakamura — 9 ochko
🥉Nihal Sarin — 9 ochko|

👉Qizig‘i, Karuana AQSh chempionatining dastlabki to‘rt turidan keyin ham Uesli So bilan birga peshqadamlik qilmoqda.

📱YouTube 📱Instagram 📱Telegram
📱Chesscom 📱Ilova

🚀200 000 obunachiga oz qoldi!

UzChess YouTube kanalimiz obunachilari soni 198 mingdan oshdi!

🎁200 mingga yetganimizda sizlar uchun juda katta yangiligimiz bor! Hozircha bu sir! 👀

🔗Hoziroq obuna bo‘ling

Klassik shaxmatda katta o‘zgarish: partiyalar vaqti qisqarishi mumkin!

FIDE Bosh assambleyasi klassik shaxmatda vaqt nazoratini qisqartirish bo‘yicha Islandiya shaxmat federatsiyasi taklifini 33 ta ovoz bilan qo‘llab-quvvatladi.

Nimalar o‘zgarishi mumkin?

🔴60+30 — har bir o‘yinchiga 60 daqiqa va har yurish uchun 30 soniya qo‘shiladi. Bu formatdan maxsus ruxsatsiz foydalanishga yo‘l ochilishi rejalashtirilmoqda.

🔴45+30 — ayrim turnirlarda, jumladan FIDE Circuit musobaqalarida ham qo‘llanishi mumkin.

🔴Islandiya federatsiyasi bir kunda 3 tur o‘tkazishga ham ruxsat berishni taklif qilgan.

Ammo bu qoidalar hali kuchga kirgani yo‘q. Yakuniy o‘zgarishlarni FIDE Kengashi tasdiqlashi kerak. Hozircha titul va norma beriladigan turnirlar uchun kuniga ko‘pi bilan ikki tur o‘tkazish cheklovini saqlash rejalashtirilmoqda.

O‘zgarishlarning maqsadi — klassik turnirlarni qisqaroq muddatda o‘tkazish va tashkiliy xarajatlarni kamaytirish.

💬Sizningcha, klassik shaxmatda vaqtni qisqartirish to‘g‘ri qarormi yoki bu o‘yin sifatiga salbiy ta’sir qiladimi?

📱YouTube 📱Instagram 📱Telegram
📱Chesscom 📱Ilova

Endi Vudvordning qarashidan keyin fotograf ham o‘zini raqibdek his qilgan bo‘lsa kerak. 😅

📸 Lennart Ootes

📱YouTube 📱Instagram 📱Telegram
📱Chesscom 📱Ilova

Endi Vudvordning o‘sha jiddiy nigohi bejiz emas ekan! 😅

🇺🇸AQSh chempionatining 5-turida Vudvord Fabiano Karuanani mag‘lub etdi!

Natijada Karuana LIVE jahon reytingida 4-o‘ringa tushdi.

📱YouTube 📱Instagram 📱Telegram
📱Chesscom 📱Ilova

🇺🇿TARIXDA ILK BOR! JAVOHIR SINDAROV DUNYONING TOP-3 SHAXMATCHISI! 🔥

⚡O‘zbekiston shaxmati tarixida ilk bor hamyurtimiz klassik shaxmat bo‘yicha live jahon reytingida 3-o‘ringa ko‘tarildi!

🔴AQSh chempionatida Fabiano Karuananing Endi Vudvordga mag‘lub bo‘lishidan so‘ng, Javohir Sindarov 2782 reyting bilan dunyoning 3-raqamli shaxmatchisiga aylandi! Undan faqat Magnus Karlsen (2823) va Hikaru Nakamura (2792) oldinda.

👉Nodirbek Abdusattorov esa 2780 reyting bilan 5-o‘rinda!

Dunyoning eng kuchli besh shaxmatchisidan ikkitasi — O‘zbekiston vakili!

📱YouTube 📱Instagram 📱Telegram
📱Chesscom 📱Ilova

🎓Zamonaviy kasb egasi bo'lish vaqti keldi!

👉Ustoz AI Arena turnirida ishtirok eting va bugungi kunning eng daromadli mutaxassisliklarini mutlaqo BEPUL o'rganing!

⚡️ Vaqt nazorati: 2+0

🔴Boshlanish vaqti: 20:00

🎁 Sovrinlar:
🥇 1-o‘rin — 1 yillik Ustoz AI Premium
🥈 2-o‘rin — 1 oylik Ustoz AI Premium
🥉 3-o‘rin — 1 oylik Ustoz AI Premium

➡️Ishtirok etish uchun shu yerga bosing

👉Pro obunani faollashtirish uchun: buy.uzchesss.uz

📱YouTube 📱Instagram 📱Telegram
📱Chesscom 📱Ilova

😄Hikaru Nakamura Javohir Sindarovga jahon chempionatiga tayyorlanishda yordam beryaptimi?

Nakamura va Sindarovning ayni kunlarda Kiprdagi bir mehmonxonada yashayotgani muxlislar e’tiborini tortdi.

Ayrimlar Hikaru Javohirning tayyorgarlik jamoasiga qo‘shilgan bo‘lishi mumkinligini taxmin qilishdi.

Nakamura esa bunga hazil bilan javob berdi:

«Men uning jamoasida emasman. Faqat 2.Ke2 yurishi bo‘yicha biroz maslahat beryapman».

😂Gap mashhur Bongcloud haqida ketmoqda. Bu yurishda shoh o‘yinning boshidayoq oldinga chiqadi va shaxmatchilar undan ko‘pincha hazil tariqasida foydalanishadi.

Hikaruning haziliga ko‘ra, u bu yurishni aslida Magnus Karlsenga qarshi jahon chempionati uchun tayyorlagan. Endi esa o‘sha tayyorgarligini Sindarov bilan bo‘lishmoqda.

Nakamura yana Magnus ham Gukeshga xuddi shu yurish bo‘yicha maslahat berayotgan bo‘lishi mumkinligini aytib, postini shunday yakunladi:

«Ko‘ramiz, Sindarovmi yoki Gukeshmi — 2.Ke2 yurishini kim yaxshiroq qo‘llar ekan!» 😂

📱YouTube 📱Instagram 📱Telegram
📱Chesscom 📱Ilova

😂Hikaruning haziliga Magnus Karlsen jamoasidan ham javob keldi!

Hikaru Nakamura Javohir Sindarovga 2.Ke2 yurishi bo‘yicha maslahat berayotganini hazil tariqasida aytgan edi.

Bunga Magnus Karlsenning murabbiyi Peter Heine Nielsen ham hazil bilan javob qaytardi.

«Hikaru Magnusga qarshi jahon chempionati uchun tayyorlagan sirlarini oshkor qilgan ekan, biz ham o‘zimiznikini ulashamiz», — deb yozdi u.

Nielsen ulashgan jadvalda 1.e4 e5 dan keyin 2.Ke2 yurishi mag‘lubiyatga olib kelishi ko‘rsatilgan.

📱YouTube 📱Instagram 📱Telegram
📱Chesscom 📱Ilova

Sizga til o‘rganishni yanada qulay qiladigan imkoniyatni taqdim etamiz.

IBRAT ARENA — сhet tillarini bepul o‘rganish imkoniyati!

⚡️ Format: 3+0
🕖Boshlanish vaqti: 20:00

🎁 Sovrinlar:
🥇 1-o‘rin — "Ibrat Farzandlari"dan 3 oylik Premium
🥈 2-o‘rin — "Ibrat Farzandlari"dan 1 oylik Premium
🥉 3-o‘rin — "Ibrat Farzandlari"dan 1 oylik Premium

➡️Ishtirok etish uchun shu yerga bosing

📱YouTube 📱Instagram 📱Telegram
📱Chesscom 📱Ilova