📰📰📰📰📰📰📰

UNESCO tarixida ilk bor ustozlar vazirlar panelida: o‘zbekistonlik o‘qituvchi jahon pedagoglari nomidan so‘zga chiqdi

✅ Joriy yilning 8-11-sentabr kunlari Fransiyaning Parij shahrida “Sun’iy intellekt davrida ta’lim: Faktlar, muammolar, yangi ufqlar" mavzusida YUNESKOning Raqamli ta’lim haftaligi — 2026 bo‘lib o‘tdi.

Unda dunyoning qator mamlakatlaridan kelgan pedagoglar, ekspertlar va ta‘lim sohasi xodimlari, xususan ISHONCH — Vision 2030 loyihasi mentorlari ishtirok etishdi.

🔰 Tadbirlar davomida sun‘iy intellekt, raqamli ta‘lim va kelgusi rejalarga bag‘ishlangan muhokamalar bo‘lib o‘tdi.

⏰ Unda O‘zbekiston delegatsiyasi vakillari so‘zga chiqib, ta'limdagi yangi tendensiyalar, sohada raqamli texnologiyalardan foydalanish, shuningdek, mamlakatimizda amalga oshirilayotgan islohotlar, ta‘limga e‘tibor va ta‘limda sun‘iy intellekt yo‘nalishidagi tajribalar haqida so‘z yuritishdi.

🌐Ta‘kidlash joiz: 15 yildan beri UNESCOning Parijdagi Bosh qarorgohida o‘tkazib kelinayotgan Raqamli ta’lim haftaligi tarixida ilk bor maktab o‘qituvchilari ta'lim vazirlari bilan bir qatorda panel sessiyalarida ishtirok etishdi.

🔹Bunda o‘zbekistonlik ustoz — Durdona Boynazarova butun dunyo ustozlari nomidan so’zga chiqib, ta’limda sun’iy intellekt, bu boradagi siyosatni ishlab chiqishda ustozlarning roli haqida so‘z yuritdi.

Shuningdek, Behruz Ruziyev va Sevara Shamsiyevalar tadbirda o‘z taqdimotlari bilan qatnashishdi.

Bizni kuzating

❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin