✅✅
#Мактабгача_таълим

Buxoroda maktabgacha ta‘lim tashkilotlari tarbiyalanuvchilari o‘rtasida VII Bolalar velomarafoniga start berildi

🔴 Ayni paytda Buxoro shahridagi Universal sport majmuasida MTT tarbiyalanuvchilari o‘rtasida an’anaviy VII bolalar velomarafonining ochilish marosimi bo‘lib o‘tdi.

Unda Maktabgacha va maktab ta'limi vaziri E‘zoza Karimova, viloyat hokimi Botir Zaripov, Yevropada Xavfsizlik va hamkorlik tashkiloti (YXHT) koordinatori, elchi Antti Karttunen hamda mas‘ullar ishtirok etdi.

Vazir E‘zoza Karimova o‘z nutqida maktabgacha ta'lim tizimida amalga oshirilayotgan ishlar haqida so'z yuritib, barcha ishtirokchilarga omad tiladi.

🔰 Tadbir Vazirlik hamda YXHTning O‘zbekistondagi vakolatxonasi hamkorligida tashkil etilgan. Velomarafon doirasida 100 nafar tarbiyalanuvchilar belgilangan maydonda 300 metr masofada “begovellar”da harakatlanadi.

➖ Bundan ko‘zlangan maqsad — bolalar o‘rtasida sog‘lom turmush tarzini targ‘ib qilish, jismoniy faollikni oshirish, ekologik madaniyatni yuksaltirish hamda ularning bo‘sh vaqtlarini mazmunli tashkil etishdan iborat.

🌍🌍🌍🌍🌍🌍

Bizni kuzating:

❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

✅✅✅✅
#Buxoro

🔴 Ayni paytda Maktabgacha va maktab ta’limi vaziri E’zoza Karimova Buxoro viloyatida bo‘lib, Buxoro shahridagi qator maktabgacha ta’lim tashkilotlari faoliyati bilan yaqindan tanishmoqda.

Dastlab vazir Buxoro shahridagi 5-davlat maktabgacha ta’lim tashkilotida tarbiyalanuvchilar uchun yaratilgan shart-sharoitlar, ta’lim-tarbiya jarayonlari hamda “Kelajak” markazi bilan hamkorlikda amalga oshirilayotgan loyihalarni ko‘zdan kechirdi.

Shuningdek, tashkilot qoshida faoliyat yuritayotgan “Turon kichkintoylari” teatrining ijodiy ishlari bilan tanishib, bolalarning iste’dodini ro‘yobga chiqarishga qaratilgan bunday tashabbuslarni qo‘llab-quvvatlash muhimligini ta’kidladi.

🔰 Keyingi manzil Buxoro shahridagi 34-davlat maktabgacha ta’lim tashkiloti bo‘ldi. Vazir muassasaning moddiy-texnik holati, tarbiyalanuvchilar uchun yaratilgan imkoniyatlar va ta’lim muhiti bilan tanishdi.

📊 1963-yilda barpo etilgan 360 o‘rinli ushbu tashkilot binosi bugungi kunda ta’mirtalab holatga kelgan. Vazir muassasani kelgusi yillarda davlat dasturlari asosida kapital rekonstruksiya qilish bo‘yicha tegishli choralarni ko‘rish yuzasidan mas'ullarga tegishli topshiriqlar berdi.

🌍🌍🌍🌍🌍🌍

Bizni kuzating:

❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin