#Xorijiy_investitsiya

Jahon banki ko‘magida O‘zbekistonda maktab ta’limini transformatsiya qilishga qaratilgan “BILIM” dasturi amalga oshiriladi

🌐 Jahon banki O‘zbekistonda boshlang‘ich ta’lim sifatini oshirish, maktab infratuzilmasini rivojlantirish hamda ta’lim tizimini boshqarish samaradorligini kuchaytirishga qaratilgan “Iqtisodiy o‘sish uchun maktab ta’limini transformatsiya qilish” — BILIM dasturini amalga oshirish uchun 100 million AQSH dollari miqdorida moliyalashtirishni tasdiqladi.

Dasturning umumiy moliyalashtirish hajmi 378 million AQSH dollarini tashkil etadi. Shundan 273 million dollar O‘zbekiston hukumati, 100 million dollar Jahon bankining moliyalashtirishi hamda Ta’limni moliyalashtirish xalqaro jamg‘armasi — IFFEdning 5 million dollarlik granti hisobidan ta’minlanadi.

🔰 BILIM dasturi Maktabgacha va maktab ta’limi vazirligi hamda Iqtisodiyot va moliya vazirligi tomonidan Qoraqalpog‘iston Respublikasi, Buxoro, Qashqadaryo, Navoiy, Surxondaryo va Xorazm viloyatlarida amalga oshiriladi.

Dastur doirasida 2030-yilga qadar:

🔹 50 ming nafar boshlang‘ich sinf o‘qituvchisi, maktab rahbari va ta’lim tizimi mutaxassislarining pedagogik hamda boshqaruv salohiyati oshiriladi;
🔹 boshlang‘ich sinf o‘quvchilarining o‘qish, matematika va ijtimoiy-emotsional ko‘nikmalarini rivojlantirishga qaratilgan zamonaviy pedagogik yondashuvlar joriy etiladi;
🔹 yangi zamonaviy maktablar qurish va mavjud maktablarni kengaytirish orqali umumta’lim maktablarida 27 mingta qo‘shimcha o‘quv o‘rni yaratiladi;
🔹 maktablardagi mavjud yuklama va smenalilik darajasi kamaytirilib, barcha o‘quvchilar uchun xavfsiz, qulay va zamonaviy ta’lim muhiti yaratiladi;
🔹 ta’limga oid ma’lumotlarni to‘plash, tahlil qilish va ulardan foydalanish tizimi takomillashtiriladi;
🔹 maktablar faoliyatini rejalashtirish, resurslarni samarali taqsimlash hamda ta’lim natijalarini yaxshilashga qaratilgan ma’lumotlarga asoslangan boshqaruv mexanizmlari kuchaytiriladi.

Dasturning ta’lim sifati va pedagogik salohiyatni rivojlantirishga qaratilgan yo‘nalishlari 1–4-sinflarda tahsil olayotgan qariyb 2 million nafar o‘quvchini qamrab oladi.

⏰ Yangi maktablar va qo‘shimcha o‘quv binolarining barpo etilishi esa maktablardagi yuklamani kamaytirish, smenalilik darajasini pasaytirish hamda barcha sinf o‘quvchilari uchun ta’lim jarayonining samaradorligi va sifatini oshirishga xizmat qiladi.

➖ BATAFSIL:
🔹O'zbek tilida
🔹Rus tilida
🔹Ingliz tilida

Bizni kuzating:

❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

🇺🇿🇺🇿🇺🇿🇺🇿🇺🇿🟦🟦

TEZKOR MA'LUMOT

📣 Hurmatli yurtdoshlar!
Xabaringiz bor, kadastr ma’lumotlar bazasini yagona tizim - UZKAD axborot dasturida birlashtirib, aholi va davlat idoralariga xizmat qiluvchi yagona tizim yaratilmoqda. Tizimlarni birlashtirish jarayonida ayrim ko‘chmas mulk obyektlari manzillari bo‘yicha “my.maktab.uz” platformasi bilan bog‘liq noaniqliklar kuzatilmoqda.

▶️ Shu kabi holatlarni bartaraf qilish maqsadida Respublika bo‘yicha tezkor shtab tashkil etildi.

◼️Farzandingizni 1-sinfga qabul jarayonida kadastr bilan bog‘liq muammolar kuzatilgan taqdirda @Dkpuz_bot telegram boti yoki 71-207-00-03, (ichki raqami 216, 211, 232), 99-849-70-02, 77-131-80-44 raqamlari orqali biz bilan bog‘lanishingiz mumkin.

Tezkor shtabning hududiy telefon raqamlari:

▫️ Andijon viloyati: 74-224-20-25, 93-810-87-57
▫️ Namangan viloyati: 69-233-27-33, 88-920-01-00
▫️ Jizzax viloyati: 72-226-75-23, 93-307-87-35
▫️ Toshkent viloyati: 71-502-02-07, 90-135-35-05
▫️ Surxondaryo viloyati: 55-451-22-19, 93-220-62-96
▫️ Qoraqalpog'iston Respublikasi: 61-224-91-02, 99-194-60-60
▫️ Sirdaryo viloyati: 67-236-50-05, 97-218-01-17
▫️ Qashqadaryo viloyati: 75-227-79-97, 98-444-70-17
▫️ Xorazm viloyati: 62-224-67-04, 87-872-92-91
▫️ Navoiy viloyati: 79-222-46-31, 94-145-60-45
▫️ Buxoro viloyati: 65-221-01-88, 93-452-15-54
▫️ Samarqand viloyati: 95-508-81-50, 97-405-02-94
▫️ Farg'ona viloyati: 73-229-02-07, 77-319-07-01

✔️ Xatolik tez fursatlarda va bepul bartaraf etilishini ma’lum qilamiz.

❕ Shu o‘rinda, fuqarolarni ro‘yxat (propiska)ga qo‘yish, o‘chirish yoki o‘zgartirish Kadastr idoralari vakolati doirasida emasligini qayd etish lozim.

#DavKadastrPalata  #tezkor_ma_lumot #uzkad

Ijtimoiy tarmoqlardagi sahifalarimiz:
Web-sayt I Telegram I Instagram I YouTube I Facebook I Twitter

#VazirKubogi

“Maktabgacha va maktab ta’limi vaziri kubogi” musobaqasining final bosqichiga qur’a tashlash tadbiridan videolavha.

Bizni kuzating

❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

✅✅✅✅

✅ "O‘quvchi-yoshlarni muzeylarga ma’rifiy sayohati" loyihasi doirasida sirdaryolik bir guruh faol o‘quvchilar ishtirokida Toshkent shahridagi Islom sivilizatsiyasi markaziga sayohat tashkil etildi.

Unda o‘quvchilar xalqimizning boy tarixi, milliy va ma’naviy merosi hamda buyuk ajdodlarimizning ilm-fan va sivilizatsiya rivojiga qo‘shgan ulkan hissasi bilan yaqindan tanishdilar.

➖ Ma'lumot o‘rnida: Maktabgacha va maktab ta‘limi vazirligi tomonidan tashkil etilgan mazkur loyiha yoshlarda vatanparvarlik, milliy g‘urur va tarixiy xotirani mustahkamlash maqsadida amalga oshirilmoqda va avgust oyi yakuniga qadar davom etadi.

🌐 Loyihada Respublikaning barcha hududlaridan 14 ming nafar faol o‘quvchi-yoshlar qatnashishi rejalashtirilmoqda.

Jarayonlar davomida Toshkent shahridagi mamlakatimizning muhim tarixiy va madaniy meros obyektlariga, xususan:

🔹 Islom sivilizatsiyasi markazi,
🔹 O‘zbekiston tarixi davlat muzeyi,
🔹 Temuriylar tarixi davlat muzeyi,
🔹 Qatag‘on qurbonlari xotirasi davlat muzeyi,
🔹 Gʻalaba bog‘iga sayohat tadbirlari bo‘lib o‘tadi.

Hurmatli ota-onalar!

🔰 Farzandingiz mazkur loyihada ishtirok etishini istasangiz, hududiy Maktabgacha va maktab ta'limi bo'linmalariga ariza bilan murojaat qilishingiz so‘raladi.

❗️ Sayohat tadbirlari bepul tarzda tashkil etilgan.

Bizni kuzating

❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

🎒 Farzandingizni o‘z qo‘lingiz bilan maktabdan sovutib qo‘ymang! (Ota-onalar yo‘l qo‘yadigan eng katta xato)

🏫 Ayni qabul vaqtida ko‘pchilik ota-onalar farzandining kelajagi uchun eng yaxshisini xohlab, ammo e’tibordan chetda qoladigan bir jiddiy xatoga yo‘l qo‘yishadi. “Maktabda o‘zi o‘rganib ketadi”, “Zehni o‘tkir, yoshligidan qo‘shimcha til bilsa, foyda” degan o‘y bilan bolani u umuman tushunmaydigan tildagi sinfga joylashtirishadi. Biroq, bilmay qilingan bu qaror bolaning butun ta’lim hayotiga salbiy ta’sir ko‘rsatishi mumkin.

🧠 Nima uchun ta’lim tilini to‘g‘ri tanlash o‘ta muhim?

➖ Fanlarni o‘zlashtirishdagi to‘siq: 1-sinfda bola nafaqat o‘qish va yozishni, balki matematika hamda tabiiy fanlarni ham anglashi, mantiqiy fikrlashni o‘rganishi kerak. O‘qituvchisini tushunmasa, u fanni qanday o‘zlashtiradi? Tilni bilmasa, uy vazifalarini qanday bajaradi? Bu jarayonda siz unga qanday yordam bera olasiz?
➖  Psixologik zarba: Psixologlarning ta’kidlashicha, 1-sinf — shundoq ham bola uchun katta stress. Yangi muhit, yangi tartib, notanish jamoa. Bu stress ustiga “til to‘sig‘i” ham qo‘shilsa, bola xato qilishdan va savol berishdan qo‘rqadigan bo‘lib qoladi.
➖ O‘ziga ishonchning sinishi: Bolaning ichidagi ulkan salohiyat va iqtidor faqatgina shu tilni tushunmaslik kompleksi sababli yuzaga chiqmay, so‘nib qoladi.

🎓 Eng muhimi — farzandingiz maktabga o‘zlashtirishdan qiynalib, tushkun kayfiyatda emas, balki bilim olishga bo‘lgan katta ishtiyoq bilan borsin!

✉️ Telegram 📱 Instagram 🗳 Facebook