📰📰📰📰📰📰📰

Vazirlik delegatsiyasi UNESCOning Parijdagi bosh qarorgohida Ta'lim islohotlari sammitida ishtirok etdi

✅ Maktabgacha va maktab ta’limi vazirining birinchi o‘rinbosari Sherzod Karimov UNESCOning Parijdagi bosh qarorgohida bo‘lib o‘tgan Xalqaro ta’lim islohotlariga bag‘ishlangan TES+4 sammitida ishtirok etdi.

🔹 Tadbirda 50 dan ortiq ta’lim vazirlari, xalqaro tashkilotlar rahbarlari va yetakchi ekspertlar qatnashdi. Sammitning tematik sessiyalaridan birida vazirning birinchi o’rinbosari Sherzod Karimov O’zbekistondagi ekologik ta’lim tizimi haqida nutq so‘zladi.

Unda iqlim mavzulari maktabgacha ta’limdan boshlab o‘quv dasturlariga turli mavzular orqali kiritilganini, shu bilan birga 694 maktabda “Eco-Schools Uzbekistan” tashabbusi doirasida eko-klublar tashkil etilganini va ularda 100 000 dan ortiq o‘quvchi hamda 1 000 o‘qituvchi faoliyat yuritayotgani haqida so'z yuritildi.

🔰 Shu bilan birga, O‘zbekistonning UNESCO Yashil ta’lim sherikchiligi (GEP) ga 2023-yilda qo‘shilganini va 2030-yilga qadar maktablarning kamida 50 foizini “Yashil maktab”ga aylantirish majburiyatini olganini e’lon qildi.

Orol dengizi fojiasidan olingan saboq ham nutqda alohida o‘rin egalladi – bu tajriba O‘zbekistonni ekologik ta’limni milliy ustuvorlikka aylantirishga undaganini ta’kidladi.

➖ Sammit doirasida UNESCO Bosh direktorining ta’lim masalalari bo‘yicha o‘rinbosari professor Chen Qun bilan uchrashuv o‘tkazildi.

Tomonlar ta’lim sohasidagi strategik hamkorlikni mustahkamlash, UNESCO tashabbuslari doirasida qo‘shma dastur va loyihalarni amalga oshirish istiqbollarini muhokama qilishdi.

🌍🌍🌍🌍🌍🌍

Bizni kuzating:

❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin