Hurmatli ustoz va murabbiylar!

Sizlarni 1-oktabr — O‘qituvchi va murabbiylar kuni bilan chin qalbimdan tabriklayman. Har birimizning hayotimizda qobiliyatimizni ilg‘agan, bizga ishongan va to‘g‘ri yo‘l ko‘rsatgan muallimning alohida o‘rni bor. Bugun siz ham farzandlarimizga ana shunday mehr va mas’uliyat bilan saboq berib, ularni katta maqsadlar sari ruhlantiryapsiz.

Prezidentimiz tashabbusi bilan ta’lim sohasida amalga oshirilayotgan islohotlarda pedagoglarning jamiyatdagi mavqeyini yuksaltirish, mehnatini munosib qadrlash va kasbiy rivojlanishi uchun sharoit yaratishga alohida e’tibor qaratilmoqda. Bu jarayonda sizning tajribangiz, taklif va tashabbuslaringiz biz uchun muhim. Har bir tarbiyachi va o‘qituvchining o‘z ishidan mamnun bo‘lib, bilim va mahoratini bolalar kamoliga bag‘ishlashi uchun imkoniyatlarni kengaytirish — ustuvor vazifamiz.

Aziz pedagoglar!

Barchangizga mustahkam sog‘lik, oilaviy baxt va xotirjamlik, sharafli faoliyatingizda muvaffaqiyatlar tilayman. Doimo yaqinlaringiz, shogirdlaringiz va el-yurtimiz ardog‘ida bo‘ling.

Kasb bayramingiz muborak bo‘lsin!

Hurmat bilan, 
E’zoza Karimova, 
Maktabgacha va maktab ta’limi vaziri

✉️ Telegram 📱 Instagram 🗳 Facebook

#Ustozga_ehtirom

“Hamma kasblardan go‘zali va eng zo’ri — o’qituvchilik”

✅ Toshkent viloyati, Qibray tumanidagi 14-maktabning boshlang‘ich sinf o‘qituvchisi Shahnoza Boymuhamedova ko‘p yillik tajribaga ega, o‘z kasbiga fidoyi pedagoglardan biri. Bugungi kunda u 27 million so‘m miqdorida oylik maosh olmoqda.

Joriy yil qahramonimiz Prezident tashabbusi bilan joriy etilgan “Yil o‘qituvchisi” tanlovida g‘olib bo‘lib, 616 million so‘m miqdoridagi pul mukofoti bilan taqdirlandi.

🌐 Bu haqida videolavhada.

Bizni kuzating
❤ Telegram                   🌐 Facebook
🌐 Youtube                     🌐 Instagram
🔎 Veb-sayt                     😄 Linkedin

#Ustozga_ehtirom

O‘qituvchilik — onadan meros qadriyat

✅ Onaning sabr bilan bergan saboqlari, ustozlarning ishonchi va oiladagi ilmga hurmat yosh qalbda o‘qituvchilikka mehr uyg‘otadi. Bu mehr ulg‘aygan sari ustozlar yo‘lini davom ettirish, o‘zi voyaga yetgan joyning bolalariga bilim berish istagiga aylanadi.

➖ Kasbini sevgan o‘qituvchi shogirdlari bilan birga o‘zi ham izlanadi, o‘rganadi. Har bir yutug‘i orqali ularga o‘rnak bo‘lishga, o‘z kuchiga ishonch uyg‘otishga intiladi.

🌐 Ismoiljon Po‘latov — Buxoro viloyati, Jondor tumanidagi 8-sonli maktab o‘qituvchisi

Bizni kuzating

❤ Telegram                   🌐 Facebook
🌐 Youtube                     🌐 Instagram
🔎 Veb-sayt                     😄 Linkedin

RASMIY MUNOSABAT

“Antikorrupsiya” kanalida “Ta’lim vazirligida kimlar ishlaydi?” sarlavhasi ostida e’lon qilingan videolavhada “Maktabgacha va maktab ta’limi vazirligi qabulxonasiga yaqinda borgandik, odamlar ko‘chada yotibdi” mazmunidagi xabar yoritilgan. Videoxabar yuzasidan quyidagilarni ma’lum qilamiz.

Videoda aks etgan holat joriy yilning may oyida sodir bo‘lgan. Ushbu fuqaroning murojaati vazirlik mas’ullari tomonidan belgilangan tartibda o‘rganilgan, unga tegishli tushuntirishlar berilgan. Mazkur holat yuzasidan rasmiylashtirilgan hujjatlar vazirlikda mavjud.

Shu sababli, bir necha oy avval sodir bo‘lgan holatni “yaqinda bo‘lgan voqea” sifatida taqdim etish jamoatchilikni chalg‘itishi mumkin. Axborot tarqatishda voqeaning sanasi, mazmuni va haqqoniyligini tekshirish — har bir mas’uliyatli axborot tarqatuvchining vazifasidir.

Afsuski, so‘nggi vaqtlarda maktabgacha va maktab ta’limi tizimi faoliyatiga oid asosli va asossiz tanqidlar, kontekstdan uzib olingan holatlar hamda eski videolarni yangi voqeadek taqdim etish holatlari ko‘paymoqda.

Biz tanqid va jamoatchilik fikrini rad etmaymiz. Aksincha, asosli murojaat va tanqidlar tegishli tartibda o‘rganilishi zarur va o‘rganilmoqda. Biroq haqiqatga asoslanmagan, bir tomonlama yoki ataylab noto‘g‘ri talqin qilingan axborot tarqatish ta’lim tizimiga, unda mehnat qilayotgan minglab fidoyi ustoz va mutaxassislarning sha’niga salbiy ta’sir ko‘rsatadi. Axborot maydonidagi har qanday xabarni tekshirmasdan tarqatish, eski tasvirlarni yangi voqea sifatida ko‘rsatish yoki biror tizim haqida salbiy tasavvur uyg‘otishga xizmat qiladigan axborot oqimiga ergashish jamoatchilik manfaatiga xizmat qilmaydi.

Shu munosabat bilan ijtimoiy tarmoq foydalanuvchilarini axborot tarqatishda xolislik, mas’uliyat va jurnalistik-axloqiy me’yorlarga amal qilishga, tekshirilmagan ma’lumotlarga berilmaslikka hamda turli axborot xuruji va sun’iy shov-shuvlarga qo‘shilmaslikka chaqiramiz.

Tizimdagi kamchiliklarni birgalikda bartaraf etish mumkin, ammo haqiqatga hurmat yo‘q joyda sog‘lom jamoatchilik muloqotini qurib bo‘lmaydi. Axborot tarqatishda shov-shuv emas, haqiqat ustuvor bo‘lishi kerak.

Bizni kuzating

❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

🚫 Senat 14 yoshgacha bo‘lgan bolalarga nisbatan jinsiy jinoyatlar uchun umrbod ozodlikdan mahrum qilish jazosini ma’qulladi

Oliy Majlis Senatida 2-oktabr kuni bo‘lib o‘tgan yalpi majlisda “Bolalarni zo‘ravonlikning barcha shakllaridan himoya qilish tizimi takomillashtirilishi munosabati bilan O‘zbekiston Respublikasining ayrim qonun hujjatlariga o‘zgartirish va qo‘shimchalar kiritish to‘g‘risida”gi qonuni ko‘rib chiqildi va ma’qullandi.

✅ 25 yilgacha yoki umrbod ozodlikdan mahrum qilish

Qonun bilan 14 yoshga to‘lmagan shaxsning nomusiga tekkanlik hamda unga nisbatan jinsiy ehtiyojni zo‘rlik ishlatib g‘ayritabiiy usulda qondirganlik uchun uzoq muddatli 25 yilgacha yoki umrbod ozodlikdan mahrum qilish jazosi joriy etilmoqda.

Shuningdek, bolalarning jinsiy daxlsizligiga qarshi sodir etilgan o‘ta og‘ir jinoyatlar bo‘yicha javobgarlikka tortish va hukmni ijro etish muddatlarining o‘tib ketganligi qo‘llanilmaydi.

Bolaning o‘limiga sabab bo‘lgan qasddan sodir etilgan jinoyatlar uchun shartli hukm qilish va jazodan muddatidan ilgari shartli ozod qilish butunlay taqiqlanmoqda.

✅ Bepul yuridik yordam va tergovni yozib olish

Jinsiy zo‘ravonlikdan jabrlangan yoki unga guvoh bo‘lgan bolalarga protsessual harakatlarga jalb etilgan ilk daqiqalardan e’tiboran davlat hisobidan bepul malakali yuridik yordam ko‘rsatish tizimi joriy etilmoqda.

Zo‘ravonlikdan jabr ko‘rgan voyaga yetmaganlarni so‘roq qilish jarayonini videoyozuv orqali qayd etish, jinsiy erkinlikka qarshi jinoyat qurboni bo‘lgan bola va gumon qilinuvchi, ayblanuvchi yoki sudlanuvchi o‘rtasidagi yuzlashtirishni maxsus tartib bo‘yicha o‘tkazish, jabrlanuvchi bola va ayblanuvchi o‘rtasidagi yuzlashtirishni faqat tergovchi, prokuror qarori yoki sud ajrimi asosida o‘tkazish belgilanmoqda.

Agar zo‘ravonlik oila a’zolari yoki yaqin qarindoshlar tomonidan sodir etilgan bo‘lsa, protsessual jarayonlarda vasiylik va homiylik organi vakilining ishtiroki majburiy qilib qo‘yilmoqda.

✅ Ta’lim muassasalari xodimlari zo‘ravonlik uchun ishdan bo‘shatilishi mumkin

Mehnat kodeksiga kiritilayotgan qo‘shimchaga ko‘ra, ta’lim va tarbiya muassasalarida bolani tarbiyalash va unga ta’lim berish borasidagi majburiyatlar o‘z zimmasiga yuklatilgan ta’lim tashkiloti xodimining bolaga nisbatan zo‘ravonlik sodir etganlik uchun javobgarlikka tortilganligi munosabati bilan uning mehnat shartnomasi ish beruvchining tashabbusi bilan bekor qilishga asos bo‘ladi. Bunday shaxslarning kelgusida bolalar bilan ishlashiga cheklov qo‘yiladi.

Shu bilan birga, ota-onalarning bolalarga g‘amxo‘rlik ko‘rsatmasligi, ularning asosiy ehtiyojlarini qasddan qanoatlantirmasligi, nikoh yoshi to‘g‘risidagi qonunchilikni buzishi, shuningdek, bolalarni sog‘lig‘iga zarar yetkazuvchi axborotdan himoya qilmaganlik uchun ma’muriy javobgarlik choralari kuchaytirilmoqda.

Tazyiq va zo‘ravonlikka uchragan xotin-qizlar va bolalar qayta zo‘ravonlikka uchrashdan qo‘rqib murojaat qilishga ikkilanmasligi uchun, ularning so‘roviga asosan yashash manziliga yozma yoki elektron javob xati yubormaslik tartibi joriy etilmoqda.

“Bu oilaviy nizolarning yanada avj olishi va qayta zo‘ravonlik sodir etilishining oldini olishga xizmat qiladi”, — dedi senator.

Bizni kuzating:

❤ Telegram          🌐 Facebook
🌐 Youtube           🌐 Instagram
🔎 Veb-sayt          😄 Linkedin

Prezident tashabbuslari pedagoglar uchun katta imkoniyat va imtiyozlar bermoqda

✅ Davlatimiz rahbarining 2025-yil 15-sentabr kuni soha xodimlari bilan qilgan muloqoti davomida pedagoglar faoliyatini yanada qoʻllab-quvvatlashga qaratilgan qator tashabbuslar ijrosini taʼminlash boʻyicha "bakiroo" telegram kanali orqali turli fikr va mulohazalar bildirilmoqda.
 
➖ Taʼkidlash lozimki, Maktabgacha va maktab taʼlimi vazirligi tomonidan oʻtgan vaqt davomida mazkur vazifalarni bajarish boʻyicha manfaatdor vazirlik va tashkilotlar bilan zarur ishlar amalga oshirildi hamda tegishli qonunchilik hujjatlari asosida pedagoglar uchun koʻplab imtiyoz va qulayliklar yaratildi.
 
📍 Shu oʻrinda mazkur tashabbuslar ijrosini taʼminlash boʻyicha amalga oshirilgan ishlarga birma-bir toʻxtalib oʻtamiz:
 
👉 Vazirlar Mahkamasining 2026-yil 19-fevraldagi 69-son qaroriga asosan:

➖ 2026-yildan boshlab — kamida 15 yil ish stajiga va oliy malaka toifasiga ega boʻlgan pedagoglarga Iqtisodiyot va moliya vazirligi tomonidan qayta moliyalashtiriladigan ipoteka kreditlari boshlangʻich badalining 25 foizini qoplab berish uchun davlat byudjetidan subsidiya ajratish tartibi joriy etildi;

👉 Vazirlar Mahkamasining 2026-yil 17-sentabrdagi 501-son qaroriga asosan:

➖ 2026-2027-oʻquv yilidan boshlab — har yili davlat oliy taʼlim tashkilotlariga oʻqishga kirgan hamda tahsil olayotgan pedagoglarning farzandlari uchun toʻlov-kontrakt summasiga 30 foiz miqdorida chegirma joriy etildi;

👉 Vazirlar Mahkamasining 2026-yil 16-apreldagi 175-son qaroriga asosan:

➖ taʼlim tashkilotida taʼlim va tarbiya sohasida kasbiy faoliyatni amalga oshiruvchi pedagog shaxslar uchun davlat xizmatlari uchun xizmatlar umumiy qiymatining 50 foizi miqdorida chegirma joriy etildi;

Shuningdek, Adliya vazirligi bilan hamkorlikka ishlab chiqilgan davlat xizmatlari uchun uchun undiriladigan davlat bojlarida chegirma berishni nazarda tutuvchi O‘zbekiston Respublikasining “O‘zbekiston Respublikasi ayrim qonun hujjatlariga o‘zgartirish va qo‘shimchalar kiritish to‘g‘risida”gi Qonuni loyihasi belgilangan tartibda Vazirlar Mahkamasiga kiritilgan.

👉 Vazirlar Mahkamasining 2026-yil 29-iyuldagi 411-son qaroriga asosan:

➖2026-2027-oʻquv yilidan boshlab — B+ va undan yuqori darajadagi milliy sertifikatga ega boʻlgan boshlangʻich sinflarda dars beruvchi boshlangʻich taʼlim mutaxassisligiga ega oʻqituvchilarga lavozim maoshiga har oyda 15 foiz miqdorida qoʻshimcha ustama toʻlash tartibi joriy etildi;

👉 Vazirlar Mahkamasining 2026-yil 29-iyuldagi 411-son qaroriga asosan, 2026-yildan boshlab:

➖ bakalavriat bosqichini imtiyozli diplom bilan bitirib, birinchi bor taʼlim tashkilotiga ishga kiradigan bitiruvchilarga — ikkinchi malaka toifasi;

➖ magistratura bosqichini bitirib, barcha fanlardan va attestatsiyadan “5” (aʼlo) baho (90 — 100 ball) koʻrsatkichiga ega boʻlgan hamda birinchi bor taʼlim tashkilotiga ishga kiradigan bitiruvchilarga — birinchi malaka toifasi berish tizimi joriy etildi;

👉 Vazirlar Mahkamasining 2026-yil 2-martdagi 88-son qaroriga asosan:

➖ 2026-2027-oʻquv yilidan boshlab — xalqaro eʼtirof etilgan tashkilotlar reytingida yuqori TOP-300 talik roʻyxatga kirgan xorijiy oliy taʼlim tashkilotlarida toʻlov-kontrakt asosida oʻqish istagidagi yoshlar va pedagog xodimlarga bir oʻquv yili uchun 20 ming AQSH dollarigacha boʻlgan miqdorda taʼlim krediti ajratish tizimi joriy etildi.

➖ Shuningdek, yuqorida keltirib oʻtilgan muloqot tadbirida reytingda 100 talikka kirgan maktab va bogʻcha, 20 talikdagi texnikum, TOP-10 ta oliygoh pedagoglariga yiliga bir marta Oʻzbekiston boʻylab sayohat qilish uchun samolyot va poyezdlar chipta narxlariga 15-20 foiz chegirma berish tashabbusi ilgari surilgan.

➖ Maktabgacha va maktab taʼlimi vazirligi hozirda mazkur topshiriqqa asosiy ijrochi etib belgilangan Transport vazirligi bilan hamkorlikda Vazirlar Mahkamasining tegishli qaror loyihasi ishlab chiqilib, belgilangan tartibda Vazirlar Mahkamasiga kiritilgan.

👉 Yana bir tashabbus sifatida tilga olib oʻtilgan oʻqituvchilarga yangi taʼlim texnologiyalarini keng qoʻllashi uchun kompyuter xaridi uchun 10 million soʻmgacha imtiyozli kredit ajratish vazifasi ijrochilari sifatida Markaziy bank va Iqtisodiyot va moliya vazirligi belgilangan.

➖ Ayni vaqtda ushbu vazifa ijrosi boʻyicha ham Vazirlar Mahkamasi qarori loyihasi ishlab chiqilgan boʻlib, tegishli manfaatdor vazirlik va idoralar tomonidan koʻrib chiqilmoqda.

🔹 Ta’kidlash lozimki, Maktabgacha va maktab taʼlimi vazirligi tomonidan Davlatimiz rahbari tomonidan sohaga doir ilgari surilgan har bir tashabbus va berilgan vazifalarni amaliyotga joriy etish boʻyicha doimiy ravishda zarur ishlar amalga oshirib borilmoqda.

👉 Mazkur vazifalar ijrosi hamda pedagoglar kasbiy faoliyati va ular uchun yaratilayotgan imtiyoz va qulayliklar xususida vazirlikning rasmiy axborot kanallari orqali batafsil maʼlumot berib boriladi.

Bizni kuzating

❤ Telegram          🌐 Facebook
🌐 Youtube           🌐 Instagram
🔎 Veb-sayt          😄 Linkedin

😀😀 😀😀😀😀😀

📣 Pedagog kadrlar attestatsiyada ishtirok etish uchun murojaat yuborgan pedagoglar diqqatiga!

✅ Xabaringiz bor, 2026-yilning avgust-dekabr oylarida o‘tkaziladigan pedagog kadrlar attestatsiyasi uchun murojaat yuborish 1-avgustdan 1-oktabrga qadar davom etdi.

➖ Navbatdan tashqari (o‘z ixtiyori bilan) attestatsiyada ishtirok etish uchun ariza yuborgan pedagoglar tomonidan to‘lov qilishga ulgurmay qolish holatlari bo'lgan va bu bo‘yicha Maktabgacha va maktab ta'limi vazirligiga murojaat qilishgan.

❕Pedagoglarni har tomonlama qo‘llab-quvvatlash hamda ularga qo‘shimcha qulaylik yaratish maqsadida navbatdan tashqari attestatsiyasida ishtirok etish uchun to‘lovni amalga oshirish muddati joriy yilning 5-oktabr soat 23:59 ga qadar uzaytirilganligini ma’lum qilamiz.

Bizni kuzating:

❤ Telegram          🌐 Facebook
🌐 Youtube           🌐 Instagram
🔎 Veb-sayt          😄 Linkedin

#Mualliflikni_himoya_qilish_oyi

✅ Har bir ijod ortida inson, uning mehnati va qalbi bor! Mualliflik huquqini himoya qilish — ijodkor mehnatini qadrlash va uning huquqlariga hurmat bilan munosabatda bo‘lish demakdir.

Mazkur oy davomida:

➖ ijtimoiy tarmoqlar va OAVda huquqiy-ma’rifiy videolar va media materiallar e’lon qilinadi;
➖ “Huquqiy radioviktorina” va onlayn testlar tashkil etiladi;
➖ ijodkorlar bilan ochiq muloqotlar, podkastlar, davra suhbatlari va master-klasslar o‘tkaziladi;
➖ yoshlar va ta’lim muassasalarida mualliflik huquqi, plagiat va akademik halollik bo‘yicha tadbirlar tashkil etiladi;
➖ san’atkorlar, yozuvchilar va shoirlar ishtirokida targ‘ibot tadbirlari va fleshmoblar o‘tkaziladi;
➖ kitobxonlik, nashriyot, teatr, kino, IT va boshqa sohalarda mualliflik huquqini himoya qilishga qaratilgan ishlar amalga oshiriladi.

👉 Mualliflik huquqi aslida qayerda paydo bo‘lgan?

Bizni kuzating:

❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

#Maktabgacha_taʼlim
#Raqamlashtirish

Davlat maktabgacha ta’lim tashkilotlarida elektron davomat tizimi joriy etilmoqda

✅2026-yil 1-sentyabrdan boshlab respublikadagi barcha davlat maktabgacha ta’lim tashkilotlari hamda “Ilk rivojlanish markazlari”da “Bolalar bog‘chasi” axborot tizimi orqali xodimlar va tarbiyalanuvchilarning elektron davomatini yuritish yo‘lga qo‘yildi.

📱Tarbiyalanuvchilar davomati har ish kuni soat 7:00 dan 9:00 gacha mobil ilova orqali biometrik identifikatsiya usulida qayd etiladi.

🗄Kunlik elektron davomat ma’lumotlari asosida “Yagona mavsumiy taomnoma”ga muvofiq oziq-ovqat mahsulotlarining natura ko‘rinishidagi sarfi avtomatik hisoblanadi.

🟢Xodimlarning davomati biometrik identifikatsiya orqali, mehnat shartnomasidagi ish vaqtida qayd etiladi. Davomat asosida ish vaqti tabeli avtomatik shakllanadi.

🌍🌍🌍🌍🌍🌍

Bizni kuzating:

❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

‼️‼️‼️

Yangi demo testlar e’lon qilindi!

✅ 2026-yil kuzgi malaka toifasi attestatsiyasiga tayyorgarlik ko‘rayotgan pedagoglar uchun Maktabgacha va maktab ta’limi vazirligining demotest.uzedu.uz platformasiga yangi demo testlar joylashtirildi.

Demo testlar pedagoglarga:

🔹 test topshiriqlarining formati bilan tanishish;
🔹 o‘z bilimlarini sinab ko‘rish;
🔹 attestatsiya jarayoniga yanada puxta tayyorgarlik ko‘rish imkonini beradi.

👉 Platforma: demotest.uzedu.uz

🔔 Malaka sinoviga tayyorgarlik jarayonida ushbu demo testlardan foydalanishingiz mumkin.

Bizni kuzating

❤ Telegram          🌐 Facebook
🌐 Youtube           🌐 Instagram
🔎 Veb-sayt          😄 Linkedin

#Raqamlashtirish

Maktab taʻlimida raqamlashtirish: qanday davlat xizmatlari koʻrsatilmoqda?

🔴 Ayni vaqtda Maktabgacha va maktab taʻlimi tizimida 25 ta interaktiv davlat xizmati raqamlashtirilgan boʻlib, shundan 10 tasi maktablar yoʻnalishiga toʻgʻri keladi.

➖ Xususan, bolalarni 1-sinfga qabul qilish, elektron shahodatnomalar berish, oʻquvchilarni bir maktabdan boshqasiga koʻchirish, xorijiy taʻlim hujjatlarini tan olish, oʻquvchini xorijiy maktabdan va xorijiy maktabga koʻchirish kabi xizmatlar elektron koʻrsatilmoqda.

📊 2026-2027-oʻquv yilida 135 ta tuman (shahar)da 6 mingga yaqin maktablarda 1-sinfga qabul jarayonlari onlayn amalga oshirildi. Mazkur davlat xizmatidan 475 mingdan ortiq ota-onalar onlayn ariza berish orqali foydalangan.

➖ Shuningdek, 168 ming nafar fuqaroga shahodatnoma dublikati berildi, 1312 nafar xorijiy davlatda umumiy oʻrta taʼlim olgan fuqaroning hujjatlari nostrifikatsiya qilindi, 3810 nafar chet el fuqarosining farzandlari maktabga qabul qilindi.

🔹11987 nafar oʻquvchini xorijdagi maktabdan koʻchirildi, 315 714 nafar ota-ona farzandini bir maktabdan boshqa maktabga koʻchirish boʻyicha davlat xizmatlaridan foydalandi. Joriy yilda 1 mln nafardan ortiq 9-11-sinf bitiruvchilarga elektron shahodatnomalar berildi.

🌐 Bu haqida videolavhada.

🌍🌍🌍🌍🌍🌍

Bizni kuzating

❤ Telegram          🌐 Facebook
🌐 Youtube           🌐 Instagram
🔎 Veb-sayt          😄 Linkedin

#Asosiy_olimpiada
#Tuman_bosqichi

💬 Asosiy olimpiadaning II (ikkinchi) — tuman (shahar) bosqichi boshlanish arafasida!
❌
✅ Ikkinchi bosqichga ro‘yxatdan o‘tish jarayoni 10-oktabrga qadar davom etadi.
❌

👉 RO‘YXATDAN O‘TISH
⏰ Ariza yuborish (ta'lim muassasi direktori) yo‘riqnomasi
➖ Platformada ishtirokchi ro'yxatdan o‘tish yo‘riqnomasi

❌
❗️ DIQQAT!

Ro‘yxatdan o‘tmagan ishtirokchi olimpiadaning ikkinchi — tuman (shahar) bosqichida ishtirok etmaydi.

🌐 Batafsil videolavhada.

Bizni kuzating
❤ Telegram          🌐 Facebook
🌐 Youtube           🌐 Instagram
🔎 Veb-sayt          😄 Linkedin