Bizga yangi texnologiyalar yarata oladigan yosh muhandislar kerak


Bugun “FIRST Global Challenge — 2026” xalqaro robototexnika musobaqasi g‘oliblari va ularning murabbiylariga Prezidentimiz Farmoniga muvofiq davlat mukofotlarini topshirdik. Koreya Respublikasining Inchxon shahrida 190 mamlakat vakillari qatnashgan musobaqada jamoamiz g‘olib alyans tarkibida oltin medalni qo‘lga kiritib, eng ko‘p ball to‘plagani uchun xalqaro mukofotga ham sazovor bo‘ldi.

Farzandlarimiz olgan bilimini amalda qo‘llashi va o‘z g‘oyasini sinab ko‘rishi uchun sharoit yaratishimiz kerak. Har bir hududda robototexnika va muhandislikka qiziqqan bolalarning iqtidorini erta payqab, izlanishlariga ko‘maklashishimiz zarur. Ularning kelgusida ishlab chiqarish samaradorligini oshiradigan hamda insonlar hayotini yengillashtiradigan texnologiyalar yaratishiga ishonaman.

Yosh bolaga nisbatan zo‘ravonlikka aslo toqat qilib bo‘lmaydi, jazo esa muqarrar va murosasiz bo‘lishi shart. O‘zbekiston Prezidenti birdaniga 5 ta kodeks va 6 ta qonunga o‘zgartirishlar kiritishni nazarda tutuvchi qonunni imzoladi.

Bolaga zulm qilgan, unga jismoniy yoki ruhiy azob bergan har bir kimsa — u xoh ta’lim muassasasi xodimi bo‘lsin, xoh yaqin qarindoshi — javobgarlikka tortiladi. Bolaning o‘limiga sabab bo‘lgan jinoyatlar uchun berilgan jazo aslo yengillashtirilmaydi.

Bundan buyon 14 yoshga to‘lmagan bolaga nisbatan jinsiy zo‘ravonlik sodir etgan shaxslarga 25 yilgacha ozodlikdan mahrum qilish yoki umrbod qamoq jazosi tayinlanadi. Bunday og‘ir jinoyatlar bo‘yicha javobgarlikka tortish muddatida cheklov bo‘lmaydi.

Yosh bolaning xavfsizligi shart-sharoit yoki vaziyatlarga bog‘liq bo‘lishi mumkin emas. Bolalar hayoti, sog‘lig‘i, or-nomusiga tajovuz qilgan har qanday kimsa qat’iy jazodan qochib qutula olmasligini bilishi shart.

—

Насилие над ребёнком неприемлемо, а наказание должно быть суровым. Президент Узбекистана подписал закон, предусматривающий изменения сразу в 5 кодексах и 6 законах.

Ответственность понесёт каждый, кто причинит вред и боль ребёнку: от сотрудников образовательных учреждений до родных, совершивших насилие. За любое преступление, которое повлечёт смерть ребёнка, не будет никаких смягчений.

Отныне лицам, совершившим сексуальное насилие над ребёнком младше 14 лет, грозит до 25 лет или пожизненное заключение. Срока давности по таким преступлениям не будет.

Безопасность ребёнка не может зависеть от обстоятельств. Каждый, кто посягнёт на жизнь, здоровье и достоинство детей, должен знать, что от строгого наказания он не уйдёт.