📋 O‘zbekiston futbol hakamligi tizimini yangi bosqichga olib chiqish, yosh hakamlarning nazariy bilimlari va amaliy tajribasini oshirish maqsadida O‘zbekiston futbol assotsiatsiyasi tomonidan Hakamlar akademiyasi tashkil etilganidan xabaringiz bor. Ayni kunlarda akademiya o‘quv-kursining 3-moduliga start berildi.

Amaliy mashg‘ulotlar uchun yosh hakamlar Toshkent shahri mezbonlik qilayotgan U-14 jamoalari ishtirok etayotgan “Sport maktablari futbol ligasi” Oʻzbekiston chempionati bahslarini boshqarib borishmoqda.

Nazariy mashg‘ulotlar davomida ularning o‘yinlar davomidagi xatti-harakatlari, pozitsiya egallash mahorati, qaror qabul qilishdagi aniqliklari tajribali instruktorlar hamda FIFA hakamlari tomonidan muhokama etilib, har bir yosh hakam bilan individual tarzda suhbatlar o‘tkazildi. ularning kamchiliklari tahlil qilinib, kerakli tushuntirish va tavsiyalar berildi.

⚽️ t.me/uzfhm

📋 Bugun O‘zbekiston futbol assotsiatsiyasida O‘zFHM mutaxassislari, instruktorlar hamda hakamlar ishtirokida ortda qolgan turlar tahlili bo'yicha uchrashuv o‘tkazildi

Unda so‘nggi turlarda yuz bergan bahsli vaziyatlar bo‘yicha video tahlil o‘tkazildi. Hakamlar tomonidan qabul qilingan qarorlar muhokama qilinib, ularning sabablari atroflicha tahlil qilindi. Shuningdek, FIFA instuktorlari tomonidan ushbu holatlar yuzasidan qo‘shimcha nazariy bilim va ko‘nikmalar berildi..

⚽️ t.me/uzfhm