Ekspert hakamlar guruhi “Oil Star” – BMB uchrashuvidagi bahsli epizod yuzasidan xulosa berdi

“Oil Star” va BMB jamoalari o‘rtasidagi uchrashuvning 19-daqiqasida bosh hakam “Oil Star” darvozasi yaqinida jarima zarbasi belgiladi.

Ushbu epizodni qayta ko‘rib chiqqan ekspert hakamlar guruhi quyidagi xulosalarga keldi:

Dastlabki vaziyatda “Oil Star” darvozaboni va BMB jamoasining 14-raqamli futbolchisi o‘rtasida to‘qnashuv kuzatilgan bo‘lsa-da, ushbu holat 6 metrlik jarima zarbasini tayinlash uchun yetarli bo‘lmagan.

Jarima zarbasi bosh hakam tomonidan “Oil Star”ning 6-raqamli futbolchisi BMBning 17-raqamli futbolchisini qo‘li bilan ushlab qolgani sababli belgilangan.

Shu bois “Oil Star” futbolchisiga sportga xos bo‘lmagan harakati uchun sariq kartochka ko‘rsatilgan.

Ekspert hakamlar guruhi yakuniy xulosasiga ko‘ra, bosh hakam mazkur epizodda to‘g‘ri qaror qabul qilgan.

⚽️ t.me/uzfhm

⚽️ CAFA U-18 musobaqasida faoliyat yurituvchi hakamlar jismoniy tayyorgarlikdan o‘tkazildi

Xabaringiz bor, 22—29-noyabr kunlari Toshkentda qizlar o‘rtasida CAFA U-18 musobaqasi bo‘lib o‘tadi.

Turnirda ishlovchi hakamlar o‘yinlarga to‘liq tayyor bo‘lishi uchun ularning jismoniy holati instruktorlar tomonidan sinovdan o‘tkazildi.

Mazkur musobaqada o‘zbekistonlik hakamlar: Dildora Rustamova va Nasibabonu Toshmuhammedova bosh hakam sifatida, Xayriniso Erkinova esa yordamchi hakam sifatida faoliyat olib boradi.

⚽️ t.me/uzfhm

⚽️ CAFA U-18 musobaqasida oʻzbekistonlik hakamlar faoliyat olib bormoqda

Milliy futbol markazida boʻlib oʻtayotgan qizlar oʻrtasida CAFA U-18 musobaqasining Qirgʻiz Respublikasi — Eron terma jamoalari oʻrtasidagi bahsda Nasibabonu Toshmuhammedova bosh hakam sifatida, Xayriniso Erkinova yordamchi hakam boʻlib faoliyat olib bordi.

⚽️ t.me/uzfhm

⚽️ CAFA U-18 musobaqasida oʻzbekistonlik hakamlar faoliyatini davom ettirmoqda

Milliy futbol markazida boʻlib oʻtayotgan qizlar oʻrtasida CAFA U-18 musobaqasining Tirkmaniston — Qirgʻiz Respublikasi terma jamoalari oʻrtasidagi bahsdaDildora Rustamova bosh hakam sifatida, Xayriniso Erkinova yordamchi hakam boʻlib faoliyat olib bordi.

⚽️ t.me/uzfhm

⚽️ Hakamlar akademiyasining oxirgi o‘quv moduli boshlandi

Ma’lumki, ilk bor O‘zbekistonda tashkil etilgan Hakamlar akademiyasi o‘z faoliyatini davom ettirmoqda. Akademiyaning dastlabki tinglovchilari yil yakunida o‘qishni muvaffaqiyatli tamomlab, sertifikatga ega bo‘lishadi.

Hozirda akademiya o‘quvchilari Toshkent shahrida o‘tkazilayotgan O‘FA birinchiligi musobaqasining U-16 yosh toifasidagi bahslarida faoliyat olib bormoqda. Ularning maydondagi harakatlari va boshqaruv jarayoni tajribali instruktorlar — Bobur Haydarov, Valentin Kovalenko, Aleksandr Popov, Baxtiyor Tagayev, Viktor Serazitdinov va Baxtiyor Namozov tomonidan muntazam kuzatib borilmoqda.

Bahslardan so‘ng yosh hakamlar ishtirokida o‘yinlarga bag‘ishlangan batafsil tahlil jarayonlari ham tashkil etilmoqda. Bu jarayon ularning amaliy ko‘nikmalarini mustahkamlashda muhim o‘rin egallaydi.

Shuningdek, yosh hakamlar uchun qulay sharoitlar yaratilgan bo‘lib, ular O‘FA va Hakamlar markazi tomonidan yotoqxona hamda sifatli oziq-ovqat bilan to‘liq ta’minlanmoqda.

⚽️ t.me/uzfhm