Prezidentning 262-sonli qarori ijrosini taʼminlash hamda futbol uchrashuvlarini yuqori saviyada tashkil etish maqsadida mamlakatimiz stadionlarida markazlashgan VAR tizimidan foydalanish uchun maxsus texnikalarni oʻrnatish ishlari jadal davom etmoqda. Shu sababli “Andijon” jamoasi uy stadionida VAR texnikasini joylashtirish ishlari yakunlandi.
Rejaga muvofiq, “Soʻgʻdiyona” klubi stadioni ham bosqichma-bosqich ushbu tizim bilan jihozlanadi.
Mazkur saʼy-harakatlar hakamlik qarorlarining haqqoniyligini taʼminlash, shuningdek, oʻzbek futbolining xalqaro standartlarga mosligini oshirishga xizmat qiladi.
Please open Telegram to view this post
VIEW IN TELEGRAM
20–24-fevral kunlari Milliy futbol markazida Superligada faoliyat olib boruvchi hakamlar uchun FIFAning VAR o‘quv seminari tashkil etiladi.
Mashg‘ulotlar FIFA instruktori Farhod Abdullayev rahbarligida o‘tkazilib, ishtirokchilarga VAR tizimining amaliy qo‘llanilishi, protokollar, kommunikatsiya jarayonlari hamda bahsli vaziyatlarni tahlil qilish bo‘yicha batafsil tushunchalar beriladi.
O‘quv jarayoni nazariy mashg‘ulotlar bilan bir qatorda amaliy tahlillar va simulyatsion vaziyatlarni ham qamrab oladi. Shuningdek, hakamlar vaziyatlarni o‘yinlarni boshqarish jarayoniga yaqin sharoitda tahlil qilib, amaliy mashg‘ulotlarda ham faol ishtirok etadi. Bu esa hakamlarning o‘yin davomida VARdan samarali foydalanish, tezkor va aniq qaror qabul qilish ko‘nikmalarini yanada mustahkamlaydi.
Mazkur seminar 2026-yilgi Superliga mavsumi starti oldidan hakamlarimiz uchun bilim va ko‘nikmalarni yangilash, shuningdek VAR bilan ishlashda yagona yondashuvni shakllantirishga xizmat qiladi.
Please open Telegram to view this post
VIEW IN TELEGRAM
Qoraqalpog‘iston futbol assotsiatsiyasiga qarashli hakamlar yangi mavsum oldidan "Olimpiya" stadionida o‘quv-mashg‘ulot yig‘inida ishtirok etmoqda. Yig‘in davomida hakamlarning jismoniy tayyorgarligi, funksional holati hamda o‘yin jarayonida to‘g‘ri qaror qabul qilish qobiliyati maxsus testlar orqali sinovdan o‘tkazilmoqda.
Mazkur mashg‘ulotlar hakamlarni musobaqalarga puxta tayyorlash, o‘yin tempiga mos harakatlanish va maydonda yuqori saviyada faoliyat yuritishlarini ta’minlashga qaratilgan.
Please open Telegram to view this post
VIEW IN TELEGRAM
Please open Telegram to view this post
VIEW IN TELEGRAM
Baxtiyor Namozov ishtirokida 2026-yilgi mavsum oldidan "Metallurg" jamoasi uchun maxsus seminar tashkil etildi.
Tadbir yangi mavsumga puxta tayyorgarlik ko‘rish, o‘yin jarayonidagi yangilangan talablarga moslashish hamda hakamlik qarorlaridagi o‘zgarishlar yuzasidan batafsil tushuntirish berish maqsadida o‘tkazildi.
Seminar davomida:
🔹 2026-yilgi mavsumdan boshlab kuchga kiradigan yangi qoidalar va reglamentdagi o‘zgarishlar;
🔹 Hakamlar tomonidan qabul qilinadigan qarorlar mezonlari;
🔹 VAR bilan bog‘liq tartib va protseduralar;
🔹 Qo‘pollik, qo‘l bilan o‘ynash, ofsayd va intizomiy jazolar bo‘yicha yangilangan talqinlar;
🔹 Texnik hudud madaniyati va murabbiylar shtabi uchun belgilangan talablar bo‘yicha batafsil taqdimot va amaliy misollar orqali tushuntirishlar berildi.
Instruktor o‘yin davomida yuzaga kelishi mumkin bo‘lgan turli vaziyatlarni videolavhalar orqali tahlil qilib, futbolchilar va murabbiylarga yangi mavsumda hakamlar qanday mezon asosida qaror qabul qilishini aniq misollar bilan ko‘rsatib berdi.
Mazkur seminar yangi mavsum oldidan klub vakillari bilan ochiq muloqot o‘rnatish, bahsli vaziyatlar sonini kamaytirish va o‘yin sifatini oshirishga xizmat qiladi.
Please open Telegram to view this post
VIEW IN TELEGRAM
Please open Telegram to view this post
VIEW IN TELEGRAM
O‘zbekistonlik FIFA hakami Gulshoda Saitqulova FIFA Ayollar o‘rtasidagi Jahon chempionati-2027 musobaqasining Okeaniya mintaqasi saralash bosqichi (2-raund) o‘yinlariga bosh hakam sifatida tayinlandi.
Mazkur uchrashuvlar 27-fevral – 5-mart kunlari Solomon orollari hamda Fiji davlatlarida bo‘lib o‘tadi.
Please open Telegram to view this post
VIEW IN TELEGRAM
O‘zbekistonlik FIFA hakami Edita Mirabidova 2026-yil mart oyida Avstraliyada bo‘lib o‘tadigan ayollar o‘rtasidagi Osiyo kubogi musobaqasiga tayinlandi.
U nufuzli turnirda VAR hakami sifatida ishlaydi. Mazkur musobaqa Osiyo futbol konfederatsiyasi taqvimidagi eng muhim turnirlardan biri bo‘lib, qit’aning eng kuchli ayollar terma jamoalari o‘rtasidagi bahslarni jamlaydi.
Eslatib o'tamiz, ushbu musobaqada O'zbekiston milliy terma jamoasi ham ishtirok etmoqda. Jamoamizning dastlabki o'yini 3-mart kuni Shimoliy Koreyaga qarshi bo'lib o'tadi.
Please open Telegram to view this post
VIEW IN TELEGRAM
Bugun Milliy futbol markazida FIFA instruktori Farhod Abdullayev boshchiligida VAR o‘quv seminar start oldi.
Mazkur seminarda o‘zbekistonlik hakamlar bilan bir qatorda Saudiya Arabistonidan tashrif buyurgan bir guruh hakamlar ham ishtirok etib, o‘z malakasini oshirish hamda o‘zaro tajriba almashish imkoniga ega bo‘lmoqda.
Mashg‘ulotlar davomida instruktorlar tomonidan turli o‘yin vaziyatlari chuqur tahlil qilinib, video misollar orqali tushuntirishlar berildi.
Shuningdek, hakamlar nazariy topshiriqlar, amaliy mashg‘ulotlar hamda jismoniy sinovlarda ishtirok etdi. VAR markazida esa VAR bilan bog‘liq holatlar amaliy tarzda ko‘rib chiqilib, qaror qabul qilish jarayonlari simulyatsion vaziyatlar orqali mashq qilindi.
Seminar o‘quv jarayoni nazariy mashg‘ulotlar bilan bir qatorda amaliy tahlillar va real o‘yin epizodlariga yaqinlashtirilgan simulyatsiyalarni ham qamrab olayotgani bilan ahamiyatli hisoblanadi.
Mazkur o‘quv seminari 24-fevralga qadar davom etadi.
👉 Fotogalereya
Please open Telegram to view this post
VIEW IN TELEGRAM
Please open Telegram to view this post
VIEW IN TELEGRAM