⚽️ Yangi mavsum oldidan "Metallurg" va "Aral" jamoalari uchun maxsus seminar o‘tkazildi.

"Metallurg" va "Aral" jamoalari uchun tajribali instruktorlar Baxtiyor Tagayev va Konstantin Smirnov yangi mavsumga puxta tayyorgarlik ko‘rish, o‘yin jarayonidagi yangilangan talablarga moslashish hamda hakamlik qarorlaridagi o‘zgarishlar yuzasidan batafsil tushuntirish berish maqsadida o‘tkazildi.

Seminar davomida:
🔹 2026-yilgi mavsumdan boshlab kuchga kiradigan yangi qoidalar va reglamentdagi o‘zgarishlar;
🔹 Hakamlar tomonidan qabul qilinadigan qarorlar mezonlari;
🔹 Qo‘pollik, qo‘l bilan o‘ynash, ofsayd va intizomiy jazolar bo‘yicha yangilangan talqinlar;
🔹 Texnik hudud madaniyati va murabbiylar shtabi uchun belgilangan talablar bo‘yicha batafsil taqdimot va amaliy misollar orqali tushuntirishlar berildi.

Instruktorlar o‘yin davomida yuzaga kelishi mumkin bo‘lgan turli vaziyatlarni videolavhalar orqali tahlil qilib, futbolchilar va murabbiylarga yangi mavsumda hakamlar qanday mezon asosida qaror qabul qilishini aniq misollar bilan ko‘rsatib berdi.

Mazkur seminar yangi mavsum oldidan klub vakillari bilan ochiq muloqot o‘rnatish, bahsli vaziyatlar sonini kamaytirish va o‘yin sifatini oshirishga xizmat qiladi.

⚽️ t.me/uzfhm

⚽️ Yangi mavsum oldidan "Paxtakor" jamoasi uchun maxsus seminar o‘tkazildi.

Seminar yangi mavsumga puxta tayyorgarlik ko‘rish, o‘yin jarayonidagi yangilangan talablarga moslashish hamda hakamlik qarorlaridagi o‘zgarishlar yuzasidan batafsil tushuntirish berish maqsadida o‘tkazildi.

Seminar davomida:
🔹 2026-yilgi mavsumdan boshlab kuchga kiradigan yangi qoidalar va reglamentdagi o‘zgarishlar;
🔹 Hakamlar tomonidan qabul qilinadigan qarorlar mezonlari;
🔹 VAR bilan bog‘liq tartib va protseduralar;
🔹 Qo‘pollik, qo‘l bilan o‘ynash, ofsayd va intizomiy jazolar bo‘yicha yangilangan talqinlar;
🔹 Texnik hudud madaniyati va murabbiylar shtabi uchun belgilangan talablar bo‘yicha batafsil taqdimot va amaliy misollar orqali tushuntirishlar berildi.

Tajribali instruktor Konstantin Smirnov o‘yin davomida yuzaga kelishi mumkin bo‘lgan turli vaziyatlarni videolavhalar orqali tahlil qilib, futbolchilar va murabbiylarga yangi mavsumda hakamlar qanday mezon asosida qaror qabul qilishini aniq misollar bilan ko‘rsatib berdi.

Mazkur seminar yangi mavsum oldidan klub vakillari bilan ochiq muloqot o‘rnatish, bahsli vaziyatlar sonini kamaytirish va o‘yin sifatini oshirishga xizmat qiladi.

⚽️ t.me/uzfhm

⚽️ Navbatdagi bosh hakamlar va yordamchi hakamlar guruhi uchun o‘quv-mashg‘ulot yig‘ini boshlandi.

Yig‘in doirasida hakamlar amaliy sinovlardan o‘tkazilib, ularning jismoniy tayyorgarligi, tezkor qaror qabul qilish qobiliyati hamda o‘yin vaziyatlarini to‘g‘ri baholash mahorati baholanmoqda.

Mashg‘ulotlar davomida hakamlar o‘yin jarayonlarida amaliy ishtirok etish bilan bir qatorda nazariy darslarda ham qatnashmoqda. Unda futbol qoidalaridagi yangiliklar, o‘yin epizodlarini tahlil qilish va hakamlik amaliyotiga oid muhim masalalar atroflicha ko‘rib chiqilmoqda.

⚽️ t.me/uzfhm

⚽️ Milliy futbol markazida FIFA VAR seminari yakunlandi.

Milliy futbol markazida FIFA VAR bo‘yicha tashkil etilgan o‘quv seminari davomida o‘zbekistonlik hakamlar VAR tizimining zamonaviy talablari, undan samarali foydalanish mexanizmlari hamda o‘yin epizodlarini to‘g‘ri tahlil qilish bo‘yicha nazariy va amaliy bilimlarini mustahkamladi.

Mashg‘ulotlar jarayonida instruktorlar tomonidan turli o‘yin vaziyatlari video misollar asosida batafsil ko‘rib chiqilib, hakamlarning qaror qabul qilish jarayonidagi aniqlik va tezkorlikni oshirishga qaratilgan tavsiyalar berildi. Shuningdek, VAR markazida tashkil etilgan simulyatsion mashg‘ulotlar orqali hakamlar real o‘yin sharoitiga yaqin vaziyatlarda ishlash, jamoaviy muloqot va texnologiyadan to‘g‘ri foydalanish ko‘nikmalarini amaliyotda sinab ko‘rdi.

FIFA instruktori Farhod Abdullayev boshchiligida olib borilgan nazariy darslar, amaliy tahlillar hamda jismoniy sinovlar hakamlar malakasini oshirish, VAR bo‘yicha yagona talqin va yondashuvlarni mustahkamlash hamda professional tayyorgarlik sifatini yanada yuksaltirishga xizmat qildi.

Shuningdek, seminarda o‘zbekistonlik hakamlar bilan bir qatorda Saudiya Arabistonidan tashrif buyurgan bir guruh hakamlar ham ishtirok etib, o‘zaro tajriba almashish imkoniga ega bo‘ldi.

⚽️ t.me/uzfhm