📋 Hakamlar akademiyasi tinglovchilari ayollar Oliy ligasi uchrashuvlarida faoliyat olib bordi.

Durdona Sadullayeva ayollar Oliy ligasidagi bosh hakam sifatidagi ikkinchi uchrashuvini boshqardi. Marjona Ikromova esa mazkur bahsda ilk bor ayollar Oliy ligasida yordamchi hakam sifatida faoliyat olib bordi. Ular "Buxoro-W" – "Neftchi-W" uchrashuvida hakamlik qildi.

E'tiborli jihati, ushbu hakamlar ayni paytda Hakamlar akademiyasining 2026-yilgi o‘quv dasturida tahsil olmoqda.

⚽️ UzFHM | 🌟 Euroasia Insurance

📸 Yosh hakam Alisher Raximkulov faoliyatida ilk bor Superliga uchrashuvini bosh hakam sifatida boshqarib bordi.

U Superliganing 16-turidan o‘rin olgan “Xorazm” va “Mash’al” jamoalari o‘rtasidagi bahsda bosh hakam sifatida ishladi. Unga qanotlarda Sanjar Shoyusupov va Alisher Usmonov yordam berdi.

⚽️ UzFHM | 🌟 Euroasia Insurance

⚽️Superliga-2026: 17-tur uchrashuvlari rasmiylari bilan tanishing.

Superliganing 17-tur o‘yinlarini boshqarib boruvchi hakamlar jamoalari va komissarlar tayinlandi.

🗓 Barcha o‘yinlar uchun tayinlovlar yuqoridagi grafikada ko‘rsatilgan.

⚽️ UzFHM | 🌟 Euroasia Insurance

📋 Superliga 15–16-tur uchrashuvlari bo‘yicha hakamlar faoliyati tahlil qilindi.

Bugun Zoom platformasi orqali Superliganing 15–16-tur uchrashuvlarida hakamlar tomonidan qabul qilingan qarorlar yuzasidan tahliliy yig‘ilish o‘tkazildi. Unda tajribali instruktorlar hamda Superligada faoliyat olib borayotgan hakamlar ishtirok etdi.

Yig‘ilish davomida uchrashuvlardagi bahsli vaziyatlar va hakamlik qarorlari batafsil ko‘rib chiqilib, ularga tegishli tushuntirishlar berildi. Shuningdek, hakamlarning keyingi uchrashuvlarda e’tibor qaratishi lozim bo‘lgan jihatlar yuzasidan tegishli tavsiya va ko‘rsatmalar berildi.

Mazkur tahliliy yig‘ilishlar hakamlarning amaliy ko‘nikmalarini yanada takomillashtirish, qarorlar qabul qilish sifatini oshirish hamda hakamlik faoliyatida yagona yondashuvni ta’minlashga xizmat qiladi.

⚽️ UzFHM | 🌟 Euroasia Insurance