📱 Futzal chempionatimizdagi ilk o'yinda kimlar ishlaganini bilasizmi?

Batafsil: https://uzfhm.uz/news.php?id=216

⚽️ Bizni ijtimoiy tarmoqlarda kuzating:
Telegram | Instagram | Facebook | YouTube

🎉 Hurmatli yurtdoshlar! Oʻzbekiston futbol hakamlari markazi sizni kirib kelayotgan 2025-yil bilan samimiy muborakbod etadi!

Boshlanayotgan yil muvaffaqqiyatlar va ulkan zafarlar yili boʻlsin! Barchangizga oilaviy baxt, mustahkam sogʻlik va xotirjamlik tilaymiz.

Yangi yilda futbolimiz yanada rivojlansin va yangi-yangi marralarni zabt etsin!

⚽️ Bizni ijtimoiy tarmoqlarda kuzating:
Telegram | Instagram | Facebook | YouTube

📍 tomonidan 2025-yil uchun xalqaro maydonlarda ishlaydigan hakamlarimizning yangilangan ro‘yxati e’lon qilindi!

⚽️ Bizni ijtimoiy tarmoqlarda kuzating:
Telegram | Instagram | Facebook | YouTube

⚽️ O'zbekiston futbol hakamlari markazi rahbari Laziz Qo'chqorov boshqa ishga o'tishi munosabati bilan rasman lavozimidan ozod etildi!

"Ikki yarim yillik faoliyatim davomida hakamlik sohasini rivojlantirish, hakamlarning halol va jozibali ish olib borishiga va Markaz uchun ijobiy islohotlar o'tkazishga bor kuchim bilan harakat qildim. Ushbu yo'nalish men uchun katta tajriba bo'ldi. Fursatdan foydalanib, butun o'zbek futboli jamoatchiligiga, jonkuyar muxlislarga o'z minnatdorchiligimni bildirib qolaman. Markazning kelgusi faoliyatiga esa faqat muvaffaqiyat va zafarlar tilab qolaman!" — Laziz Qo'chqorov.

Laziz Rixsiboyevich 2022-yil 16-iyundan Markaz rahbari sifatida ish boshlagan va bu davr mobaynida Markaz uchun qator islohotlarni amalga oshirdi. Xususan, uchinchi VAR texnikalari xarid qilindi, yangi nomlarni kashf etish va ularni qo'llab-quvvatlash maqsadida "Yosh umidli hakamlar" nomidagi yangi loyiha ishlab chiqildi. Aytish mumkinki, OFK Elit hakamlari ro'yxatiga O'zbekistondan 7 ta referi kiritildi. FIFA tomonidan O'zbekiston uchun aynan 7 ta yo'llanma berilgandi, ya'ni hakamlarimiz berilgan barcha yo'llanmani qo'lga kiritishdi. Qolaversa, mazkur vaqt davomida hakamlikdagi shaffoflikni ta'minlash hamda hakamlar uchun seminar va yig'inlarni kengaytirish orqali ularning malakasini oshirishga jiddiy e'tibor qaratildi.

⚽️ Bizni ijtimoiy tarmoqlarda kuzating:
Telegram | Instagram | Facebook | YouTube

⚽️ Nikita Afinogenov futzal bo‘yicha ayollar o‘rtasidagi Osiyo kubogi saralash o‘yinlarida ishlaydi!

Futzal bo‘yicha FIFA hakami Nikita Afinogenov futzal bo‘yicha ayollar o‘rtasidagi Osiyo kubogi saralash o‘yinlariga tayinlov oldi. Hamyurtimiz Tailandda kechadigan "A" guruhidagi bahslarda ish olib boradi. Bugun Afinogenov Bahrayn - Livan bellashuvida hakamlik qiladi. Mazkur uchrashuv Toshkent vaqti bilan 14:30 da start oladi.

🏆 Futzal bo‘yicha ayollar o‘rtasidagi Osiyo kubogi saralash o‘yinlari | Guruh bosqich, 1-tur
🇧🇭 Bahrayn 🆚 Livan 🇱🇧
📆 11.01.2025 | 14:30

⚽️ Bizni ijtimoiy tarmoqlarda kuzating:
Telegram | Instagram | Facebook | YouTube

⚽️ Nikita Afinogenov bugun 2 uchrashuvda ish olib boradi!

Futzal bo‘yicha FIFA hakami Nikita Afinogenov futzal bo‘yicha ayollar o‘rtasidagi Osiyo kubogi saralash o‘yinlariga tayinlov olgani haqida xabar bergandik. Hamyurtimiz bugun 14:30 dagi Iroq - Bahrayn bellashuvida zaxira hakami sifatida qayd etilgan. Shuningdek, 17:30 da boshlanadigan Falastin - Tailand bahsida taymkiper bo'lib ishlaydi.

Vakilimizga ushbu o'yinlarda omad tilaymiz!

⚽️ Bizni ijtimoiy tarmoqlarda kuzating:
Telegram | Instagram | Facebook | YouTube

⚽️ O‘zbekiston futbol hakamlari markazi mamlakat tinchligi va barqarorligi yo‘lida jonbozlik ko‘rsatayotgan fidoyi yurtdoshlarimizni O‘zbekiston Respublikasi Qurolli Kuchlari tashkil etilganining 33 yilligi va Vatan himoyachilari kuni bilan samimiy tabriklaydi!

Barcha vatan himoyachilarini kelgusi hayoti davomida ezgu ishlarni davom ettirish, yurtimiz tinchligi va osoyishtaligini yanada mustahkamlash yo‘lida sog‘lik salomatlik tark etmasligini tilab qolamiz.

⚽️ Bizni ijtimoiy tarmoqlarda kuzating:
Telegram | Instagram | Facebook | YouTube

⚽️ Hakamlar markazi oldida turgan yangi vazifalar muhokama qilindi

Xabaringiz bor, xalqaro tajribaga ega bir qator mutaxassislardan iborat O‘zbekiston futbol hakamlari markazining yangi tuzilmasi tasdiqlanib, mazkur yoʻnalishni rivojlantirishga oid vazifalar belgilangan edi. OʻFA birinchi vitse-prezidenti Ravshan Irmatov hamda Texnik direktor Gi Kiala boshchiligida markaz oldida turgan keyingi rejalar yuzasidan onlayn yig‘ilish o‘tkazildi.

Yig‘ilishda hakamlar ta’limi sifatini oshirish, musobaqalar bilan ishlash va VAR texnologiyalaridan foydalanish masalalari muhokama qilindi. Shuningdek, hakamlarning jismoniy holatini nazorat qilishda ilg‘or texnologiyalardan foydalanish, shu jumladan, “POLAR” tizimi orqali jismoniy koʻrsatkichlarni monitoring qilish boʻyicha fikr almashildi.

12-24-fevral kunlari Antaliya shahrida Superliga hakamlari uchun o‘quv-mashg‘ulot yig‘ini tashkil etilmoqda. Ushbu yig‘inlar yangi mavsumga tayyorgarlikni kuchaytirishga, hakamlarni nazariy va amaliy jihatdan tayyorlashga, jismoniy tayyorgarlikni oshirishga xizmat qilishi qayd etildi.

⚽️ Bizni ijtimoiy tarmoqlarda kuzating:
Telegram | Instagram | Facebook | YouTube

⚽️ O‘zbekiston futbol hakamlari markazi tomonidan hududiy futbol assotsiatsiyalarining hakamlikka mas’ul mutaxassislari va hududlarga biriktirilgan instruktorlar ishtirokida onlayn uchrashuv tashkil etildi.

Unda tashkilot tomonidan 2025-yilda amalga oshiriladigan ishlar, hakamlarni yangi mavsumga tayyorlash va ularning mahorat darajasini aniqlash, yosh hakamlarni seleksiya qilish tizimini yo‘lga qo‘yish maqsadida, hududlardagi hakamlikka mas’ul mutaxassislar va instruktorlar tomonidan akademiyalar hamda futbol maktablarining 16 va 17 yoshli tarbiyalanuvchilari ishtirokida seminarlar tashkil etish, shuningdek, har oy davomida ikki marta hakamlar ishtirokida mashg‘ulotlar o‘tkazish masalalari muhokama qilindi.

⚽️ Bizni ijtimoiy tarmoqlarda kuzating:
Telegram | Instagram | Facebook | YouTube

⚽️ Xitoyda boʻlib oʻtadigan U-20 Osiyo kubogi musobaqasida 3 nafar hakamimiz ishtirok etadi

OFK rasmiy sayti Osiyo kubogida ishlaydigan hakamlar nomini eʼlon qildi. Unga koʻra, Xitoy yashil maydonlarida 12-fevraldan 1-martga qadar davom etadigan turnirda 3 nafar oʻzbekistonlik hakamlar ish olib borishi maʼlum bo‘ldi.

Valentin Kovalenko instruktor, Asker Najafaliyev bosh hakam, Ruslan Serazitdinov yordamchi hakam sifatida faoliyat olib boradi.

Vakillarimizga Osiyo kubogida omad tilaymiz!

⚽️ Bizni ijtimoiy tarmoqlarda kuzating:
Telegram | Instagram | Facebook | YouTube

⚽️ Superliga va Proliga jamoalariga hakamlik qoidalari bo‘yicha batafsil tushuntirishlar beriladi

O‘zbekiston futbol hakamlar markazi mutaxassislari rejaga muvofiq, yangi mavsum oldidan Superliga va Proliga jamoalarining bazalariga bosqichma-bosqich tashrif buyurib, hakamlikning zamonaviy qoidalari bo‘yicha batafsil tushuntirishlar berishadi.

O‘tgan mavsumda yuzaga kelgan bahsli vaziyatlar videoroliklar orqali tahlil qilinib, futbolchilarga muhim ma’lumotlar taqdim etiladi.

⚽️ Bizni ijtimoiy tarmoqlarda kuzating:
Telegram | Instagram | Facebook | YouTube

⚽️ O‘zbekistonlik ayol hakamlar CAFA turnirida ish olib bormoqda

Tojikistonning Dushanbe shahrida 9-fevral kuni futzal bo‘yicha ayollar o‘rtasidagi CAFA turniri boshlandi. Ushbu musobaqada o‘zbekistonlik hakamlar Edita Mirabidova va Nasibabonu Toshmuhammedova o‘yinlarni boshqarib bormoqda.

Ma’lumot uchun, musobaqa 16-fevralga qadar davom etadi.

⚽️ Bizni ijtimoiy tarmoqlarda kuzating:
Telegram | Instagram | Facebook | YouTube