📋 O‘FA rahbariyati Toshkentdagi “Chigʻatoy” futbol bazasida Superliga va Proliga hakamlari uchun o‘tkazilayotgan oʻquv-seminarida boʻldi. Unda hakamlik tizimini takomillashtirish, nazariy va jismoniy tayyorgarlikni oshirish masalalari koʻrib chiqildi.

Oʻyinlar doimiy tahlil qilinayotgani, hakamlarning jismoniy holatini yaxshilash boʻyicha mashgʻulotlar tizimli asosda yoʻlga qoʻyilgani, shuningdek, yangi tashkil etilayotgan “Hakamlar akademiyasi” orqali malakali kadrlar tayyorlash yoʻlga qoʻyilgani taʼkidlandi.

Ayol hakamlar sonini 30 nafardan oshirish, hududlardagi hakamlik tizimini yana rivojlantirish uchun tajribali instruktorlar jalb etish zarurligi aytib oʻtildi.

Hakamlarning futbol sifati va oʻyin jarayoniga taʼsiri katta ekani qayd etilib, halollik, adolat va professionallik asosiy tamoyil boʻlishi lozimligi aytildi.

O‘zbekistonlik hakamlar yana xalqaro va qit‘a miqiyosida o‘ziga hos brendga aylanishi zarurligi taʼkidlanib, bu yoʻnalishda kerakli sharoitlar yaratilishi maʼlum qilindi.

⚽️ t.me/uzfhm