Sirdaryo viloyati hakamlari tayyorgarlikni oʻquv-mashgʻulot yigʻinida ishtirok etdi

Sirdaryo viloyatida faoliyat yuritayotgan hakamlar navbatdagi markazlashgan oʻquv-mashgʻulot yigʻinini Guliston shahridagi “GOZK 4-tip” maydonida oʻtkazishdi. Mazkur yigʻin tajribali mutaxassislar — Doston Rahmonov va Qahramon Yoʻldoshev rahbarligida tashkil etildi.

Mashgʻulot jarayonida hakamlar va yosh hakamlar jismoniy tayyorgarlik koʻnikmalarini oshirish maqsadida FIFA tomonidan tavsiya etilgan SDS testi asosida sinovlardan oʻtishdi. Shu bilan birga, Yosh hakamlar akademiyasi doirasida imtihonlarni muvaffaqiyatli topshirgan ishtirokchilarga oʻyin amaliyoti boʻyicha qoʻshimcha mashgʻulotlar ham tashkil etildi. Shuningdek, “Hakamlar akademiyasi”ga kirish imtihonlarni muvaffaqiyatli topshirgan hakamlarga oʻyin amaliyoti boʻyicha mashgʻulotlar oʻtkazildi.

⚽️ t.me/uzfhm

Hakamlar markazi mutaxassislari

Superliga 6-tur oʻyinlarini tahlil qildi
Oʻzbekiston Superligasi 6-tur uchrashuvlariga bagʻishlab, Hakamlar markazi mutaxassislari, bosh hakam, yordamchi hakam, VAR hakami hamda instruktorlar ishtirokida Zoom platformasi orqali tahlil yigʻilishi boʻlib oʻtdi.

Tahlil davomida Maʼmur Saidkasimov, Farhod Abdullayev, Vladislav Seytlin, Valentin Kovalenko, Jahongir Saidov va Bobur Haydarov hakamlar tomonidan chiqarilgan ijobiy hamda bahsli qarorlarni tahlil qildi.

🔹 “Buxoro” — “Nasaf”, “Shoʻrtan” — “Mashʼal”, “Andijon” — “Dinamo”, “Surxon” — “Navbahor” oʻyinlaridagi bahsli vaziyatlar alohida tarzda tahlil qilindi.

Mazkur epizodlar atroflicha koʻrib chiqilib, hakamlarga tegishli tushuntirishlar va amaliy tavsiyalar berildi.

⚽️ t.me/uzfhm

Birinchi liganing 2-turidagi oʻyinlar hakamlar ishtirokida tahlil qilindi

Baxtiyor Tagayev, Bobur Haydarov va Timur Galeev ishtirokida Oʻzbekiston Birinchi ligasining 2-tur oʻyinlariga bagʻishlangan onlayn tahlil yigʻilishi oʻtkazildi.

Zoom platformasida tashkil etilgan ushbu uchrashuvda Birinchi ligada faoliyat yuritayotgan bosh va yordamchi hakamlar qatnashdi.

Tahlil davomida uchrashuvlarda kuzatilgan muhim vaziyatlar koʻrib chiqildi, qabul qilingan ijobiy hamda bahsli qarorlar atroflicha tahlil qilindi.

Instruktorlar tomonidan yosh hakamlarga amaliy tavsiyalar berilib, oʻyinlarda yagona yondashuvni shakllantirishga oid metodik tushunchalar yetkazildi.

⚽️ t.me/uzfhm

“Hakamlar akademiyasi”ga kirish uchun sinov jarayonlari boshlandi

Oʻzbekiston futbol assotsiatsiyasi maydonida “Hakamlar akademiyasi”ga kirish imtihonlari boshlandi. Mazkur sinovlarda Qoraqalpogʻiston Respublikasi, viloyatlar hamda Toshkent shahridan tashrif buyurgan yosh va iqtidorli hakamlikka qiziquvchilar ishtirok etmoqda.

Sinov jarayoniga start berilishidan oldin Hakamlar qoʻmitasi raisi Bobur Haydarov soʻzga chiqib, ishtirokchilarga omad tiladi hamda sinov jarayonlari mutlaqo shaffof va adolatli tarzda oʻtishini alohida taʼkidladi.

Tadbir davomida tajribali instruktor Aleksandr Popov sinov jarayonlari tartibi, baholash mezonlari va hakamlik qoidalari haqida batafsil maʼlumot berdi.

⚽️ t.me/uzfhm