📋 “Hakamlar akademiyasi”ga kirish uchun saralash jarayonlari boshlandi

Oʻzbekiston futbol assotsiatsiyasi maydonida “Hakamlar akademiyasi”ga saralash jarayonlari boshlandi. Unda Qoraqalpogʻiston Respublikasi, viloyatlar hamda Toshkent shahridan yosh va iqtidorli hakamlar ishtirok etmoqda.

Tadbir davomida O’FA birinchi-vitse prezidenti Ravshan Irmatov, O’FA texnik direktori Gi Kiala yosh hakamlarga omad tiladi va tajribali instruktorlar saralash jarayonlari tartibi, baholash mezonlari va hakamlik qoidalari haqida batafsil maʼlumot berishdi.

Shundan so‘ng, amaliy mashg‘ulotlarga start berildi, ishtirokchilarning o‘yin davomidagi xatti-harakatlari Ravshan Irmatov, Bobur Haydarov, Aleksandr Popov va Vladislav Seytlin tomonidan baholab borildi.

Amaliy mashg‘ulotlardan so‘ng, 25 nafar hakamlar saralab olinadi va 6–12-may kunlari o‘quv kursining 1-moduli o‘tkaziladi.

⚡️ t.me/FAUzbekistan

Hakamlar markazi mutaxassislari tomonidan Superliga 7-tur oʻyinlari tahlil qilindi

Oʻzbekiston Superligasi 7-tur uchrashuvlariga bagʻishlab, Hakamlar markazi mutaxassislari, bosh hakam, yordamchi hakam, VAR hakami hamda instruktorlar ishtirokida Zoom platformasi orqali tahlil yigʻilishi boʻlib oʻtdi.

Tahlil davomida Maʼmur Saidkasimov, Farhod Abdullayev, Vladislav Seytlin, Valentin Kovalenko, Jahongir Saidov va Bobur Haydarov hakamlar tomonidan chiqarilgan ijobiy hamda bahsli qarorlarni tahlil qildi.

Bir qancha epizodlar atroflicha koʻrib chiqilib, hakamlarga tegishli tushuntirish va amaliy tavsiyalar berildi.

⚽️ t.me/uzfhm

Ekspert hakamlar OKMK - “Andijon”, “Qizilqum” - “Navbahor” o’yinida faoliyat olib borgan hakamlar faoliyatini tahlil qildi

Superliganing 8-turidan o‘rin olgan OKMK — “Andijon” uchrashuvining 60-daqiqasida OKMK futbolchisi to‘psiz vaziyatda raqib jamoa vakilining yuziga tirsak bilan zarba berdi. Bosh hakam Rustam Lutfullin ushbu holatda VAR hakami bilan maslahatlashgan holda to‘g‘ri qaror chiqardi va tegishli chorani ko‘rdi.

Biroq, bellashuvning 85-daqiqasida bahsli penalti holati yuzaga keldi. Futbolchilar o‘rtasida to‘p uchun kurash davomida bosh hakam penalti belgiladi. Ammo vaziyatni tahlil qilgan ekspert hakamlar qaroriga ko‘ra, ushbu holatda 11 metrlik jarima zarbasi tayinlanmasligi kerak edi.

Hakamlar qo’mitasi qaroriga ko’ra, Rustam Lutfullin xatolikka yo'l qo'ygani uchun nomuayyan muddatga chetlatildi.

Shuningdek, “Qizilqum” — “Navbahor” o‘yinining 90+5-daqiqasida bosh hakam Ahrol Risqullayev “Navbahor” futbolchisining qo‘liga tekkan to‘p sababli penalti belgiladi. VAR orqali vaziyat tekshirilgach, qaror o'zgarishsiz qolgan va 90+12-daqiqada ushbu penalti amalga oshirilgan. Ammo ekspertlar ushbu holatda futbolchining qo‘li tanasiga yopishib turgani bois penalti tayinlanmasligi kerak deb topdi.

Hakamlar qo’mitasi qaroriga ko’ra, Ahrol Risqullayev ham o‘yinda yo‘l qo‘ygan xatosi tufayli nomuayyan muddatga chetlatildi.

⚽️ t.me/uzfhm