Ekspert hakamlar qo‘mitasi “Dinamo” - “Surxon” o’yinida faoliyat olib borgan hakamlar faoliyatini tahlil qildi

Superliganing 9-turidan o‘rin olgan “Dinamo” — “Surxon” uchrashuvining 74-daqiqasida “Surxon”ning hisob tenglashtiruvchi goli ofsayd sabab bekor qilindi. Ushbu vaziyatda yordamchi hakam “Dinamo” himoyachisi bilan to‘p uchun kurashgan futbolchi ofsayd holatida ekanini qayd etgan. VAR orqali vaziyat tekshirilganda tasvirlar yetarli bo‘lmagani va kerakli rakurslar tanlanmagani sababli ofsaydni aniqlashning imkoni bo‘lmagan.

O‘yindan so‘ng har ikki jamoa operatorlari tomonidan olingan texnik tasvirlar orqali ham vaziyatni aniq baholash imkoni bo‘lmagan.

Ekspert hakamlar qo’mitasi qaroriga ko’ra, bu vaziyatda yordamchi hakam ko‘rsatmasiga tayanib qaror qabul qilingan va u o‘zgarishsiz qoldirilgan.

⚽️ t.me/uzfhm

📋 O‘zbekiston futbol hakamligi tizimini yangi bosqichga olib chiqish, yosh hakamlarning nazariy bilimlari va amaliy tajribasini oshirish maqsadida O‘zbekiston futbol assotsiatsiyasi tomonidan Hakamlar akademiyasi tashkil etilganidan xabaringiz bor. Bugun nazariy va amaliy mashg‘ulotlarning birinchi moduli yakunlandi.

O‘FA birinchi vitse-prezidenti Ravshan Irmatov yosh hakamlarga zamonaviy referi qanday bo‘lishi zarurligi haqida kerakli tavsiyalar berdi. Shuningdek, jismoniy tayyorgarlik bo‘yicha instruktor Yuliya Tarasova hakamlarning jismoniy tayyorgarlik mashg‘ulotlari, vazn me’yori va sog‘lom ovqatlanish bo‘yicha muhim ma’lumotlar taqdim etdi.

“Chig‘atoy” sport bazasida o‘tkazilgan o‘quv kursining birinchi moduli davomida tajribali instruktorlar tomonidan yosh hakamlarga jismoniy tayyorgarlik va hakamlik metodikasi, hakamning o‘yindagi vakolati, yakkakurashlar, qo‘l bilan o‘yin, taktik qoidabuzarliklar, intizomiy jazo choralari, jarima va erkin zarbalar kabi yo‘nalishlarda ma’lumotlar berildi.

Eslatib o‘tamiz, akademiyadagi ta’lim jarayoni 6 ta moduldan iborat bo‘lib, o‘quv kursining ikkinchi moduli onlayn tarzda o‘tkaziladi. O‘quv kurslarini muvaffaqiyatli yakunlagan hakamlar Birinchi liga, Proliga, Superliga va OFK tasnifidagi turnirlarni boshqarish uchun tavsiya etiladi.

💳 Uzcard |⚡️ t.me/FAUzbekistan

📋 O‘FAda OAV vakillari uchun seminar bo‘lib o‘tdi

Bugun O‘zbekiston futbol assotsiatsiyasida hakamlar, O‘zFHM mutaxassislari hamda ommaviy axborot vositalari vakillari ishtirokida amaliy-tahliliy seminar tashkil etildi. Seminar davomida dastlab hakamlar jismoniy tayyorgarlik bo‘yicha test topshirishdi hamda OAV vakillari VAR tizimi texnik faoliyati bilan bevosita tanishtirildi.

Shuningdek, mavsum davomida yuzaga kelgan bahsli vaziyatlar tahlil qilinib, hakamlar va tajribali ekspertlar tomonidan tayyorlangan videoroliklar yordamida ularga izoh berildi.

⚽️ t.me/uzfhm