Hakamlar markazi mutaxassislari Superliga 10-tur oʻyinlarini tahlil qildi

Oʻzbekiston Superligasi 10-tur uchrashuvlariga bagʻishlab, Hakamlar markazi mutaxassislari, bosh hakam, yordamchi hakam, VAR hakami hamda instruktorlar ishtirokida Zoom platformasi orqali tahlil yigʻilishi boʻlib oʻtdi.

Tahlil davomida Maʼmur Saidkasimov, Farhod Abdullayev, Vladislav Seytlin, Valentin Kovalenko, Jahongir Saidov va Bobur Haydarov hakamlar tomonidan chiqarilgan ijobiy hamda bahsli qarorlarni tahlil qildi.

💳 Uzcard | ⚡️ t.me/FAUzbekistan

⚽️ Edita Mirabidova ayollar futboli bo‘yicha Osiyo chempionlar ligasining final uchrashuviga tayinlov oldi

Ayni kunlarda Xitoyning Vuxan shahrida ayollar futboli bo‘yicha Osiyo chempionlar ligasi pley-off bosqichi o‘yinlari davom etmoqda. Ahamiyatli tomoni shundaki, “Melburn Siti” va “Vuxan Jiangda” jamoalari o‘rtasidagi final uchrashuvida o‘zbekistonlik FIFA referisi Edita Mirabidova VAR hakami assistenti sifatida faoliyat olib boradi. Uchrashuv ertaga Toshkent vaqti bilan soat 17:00da start oladi.

Edita Mirabidovaga ushbu uchrashuvda omad tilab qolamiz!

⚽️ t.me/uzfhm

Ekspert hakamlar qo‘mitasi “Mash’al” - “Bunyodkor” o’yinida faoliyat olib borgan hakamlar faoliyatini tahlil qildi

Superliganing 11-turidan o‘rin olgan “Mash’al” — “Bunyodkor” uchrashuvining 62-daqiqasida “Mash’al”ning hisob tenglashtiruvchi goli bekor qilindi. Gol kiritilishidan avval hujumda to‘pni qabul qilgan futbolchi ofsayd holatida bo‘lgan. Ekspert hakamlar qo‘mitasi qaroriga ko‘ra, ushbu vaziyat hakamlar tomonidan to‘g‘ri baholangan.

Shuningdek, 90+7-daqiqada “Bunyodkor” futbolchisi tomonidan kiritgan gol bekor qilingan. Ushbu vaziyatda gol kiritgan futbol to‘pni ofsayd holatida qabul qilgan. Ekspert hakamlar qo‘mitasi qaroriga ko‘ra, holat to‘g‘ri baholangan.

⚽️ t.me/uzfhm

Superliga, 11-tur. “Mash’al” — “Bunyodkor” uchrashuvi: VAR aralashuvi bilan bog‘liq ikki holat yuzasidan video izoh

Birinchi holat:

Mazkur bahsning 62-daqiqasida “Mash’al” jamoasi tomonidan kiritilgan hisobni tenglashtiruvchi gol bekor qilindi. Ushbu vaziyatda hujumchi ofsayd holatida bo‘lganligi sababli gol hisobga olinmadi.
Mutaxassislari tomonidan holat batafsil ko‘rib chiqildi va VAR texnologiyalari yordamida o‘rnatilgan chiziqlar orqali hujumchining ofsaydda bo‘lgani aniqlandi.
Ushbu vaziyatni televideniye orqali kuzatayotgan muxlislar va futbol mutaxassislariga bu holatda ofsayd yo‘qdek tuyulishi mumkin. Bunga sabab kameralar joylashuvi bilan bog‘liq. VAR tizimidagi chiziqlar esa har doim maydonning asosiy chiziqlari bilan mutanosib ravishda bo'ladi.

Ikkinchi holat:

Uchrashuvning 90+7-daqiqasida “Bunyodkor” tomonidan kiritilgan gol ham ofsayd tufayli bekor qilindi.
Hujumchi to‘pni qabul qilgan paytda raqib himoyachisidan oldinda bo‘lgan. VAR texnikasi yordamida bu holat ham aniq qayd etilib, ofsayd holati chizmalar orqali tasdiqlandi.

⚽️ t.me/uzfhm

Yosh hakamlarning bilim va jismoniy tayyorgarligi baholandi

Bugun Hakamlar akademiyasida tahsil olayotgan yosh hakamlar uchun Toshkent shahrida nazariy va jismoniy mashg‘ulotlar o‘tkazildi. Mashg‘ulotlar davomida ularning o‘yinga tayyorgarlik darajasi ko‘zdan kechirildi, bilim va jismoniy holati sinovdan o‘tkazildi.

Ushbu yosh hakamlar 28-may – 1-iyun kunlari bo‘lib o‘tadigan U-14 va U-16 toifalari bo‘yicha O‘zbekiston birinchiligi uchrashuvlarini boshqarib borishadi. Ularning harakatlari tajribali instruktorlar tomonidan doimiy kuzatilib, zarur tavsiya va ko‘rsatmalar berib boriladi.

⚽️ t.me/uzfhm