Yosh hakamlar amaliy tajriba orttirmoqda

Hakamlar akademiyasida tahsil olayotgan iqtidorli yosh hakamlar O‘zbekiston birinchiligi doirasida o‘tkazilayotgan U-14 va U-16 yosh toifalaridagi uchrashuvlarni boshqarib bormoqda.

Bu o‘yinlar zamonaviy texnologiyalar yordamida maxsus videokameralar orqali to‘liq qayd etib borilmoqda. Har bir bahsdan so‘ng hakamlarning faoliyati tahlil qilinib, yo‘l qo‘yilgan kamchilik va xatolar, shuningdek, ular tomonidan chiqarilgan qarorlar video orqali tahlil qilinib, kerakli tushinchalar berilmoqda.

⚽️ t.me/uzfhm

Birinchi liganing uchinchi, to'rtinchi va beshinchi turlaridagi oʻyinlar hakamlar ishtirokida tahlil qilindi

Vladislav Seytlin, Zokir Qodirov, Bobur Haydarov va Timur Galeevlar ishtirokida Oʻzbekiston Birinchi ligasining uchinchi, to'rtinchi va beshinchi turlaridagi oʻyinlarga bagʻishlangan onlayn tahlil yigʻilishi oʻtkazildi.

Zoom platformasida tashkil etilgan ushbu uchrashuvda Birinchi ligada faoliyat yuritayotgan bosh va yordamchi hakamlar qatnashdi.

Tahlil davomida uchrashuvlarda kuzatilgan muhim vaziyatlar koʻrib chiqildi, qabul qilingan ijobiy hamda bahsli qarorlar atroflicha tahlil qilindi.

Instruktorlar tomonidan yosh hakamlarga amaliy tavsiyalar berilib, oʻyinlarda yagona yondashuvni shakllantirishga oid metodik tushunchalar yetkazildi.

⚽️ t.me/uzfhm

📋 O‘zbekiston futbol hakamlari markazida Superliganing 11-tur uchrashuvlari tahlili bo'yicha navbatdagi seminar o‘tkazildi

Seminar davomida hakamlar va nazoratchilar ishtirokida uchrashuvlarda kuzatilgan bahsli vaziyatlar muhokama etilib, ushbu holatlar bo‘yicha intruktorlar tomonidan tushuntirish va tavsiyalar berildi.

⚽️ t.me/uzfhm

📋 O‘zbekiston futbol hakamligi tizimini yangi bosqichga olib chiqish, yosh hakamlarning nazariy bilimlari va amaliy tajribasini oshirish maqsadida O‘zbekiston futbol assotsiatsiyasi tomonidan Hakamlar akademiyasi tashkil etilganidan xabaringiz bor. Ayni kunlarda akademiya o‘quv-kursining 2-moduli davom etmoqda.

Amaliy mashg‘ulotlar uchun yosh hakamlar Toshkent shahri va Toshkent viloyatlarida o‘tkazilayotgan “Sport maktablari futbol ligasi” Oʻzbekiston chempionati bahslarini boshqarib borishdi.

Nazariy mashg‘ulotlar davomida ularning o‘yinlar davomidagi xatti-harakatlari, pozitsiya egallash mahorati, qaror qabul qilishdagi aniqliklari O‘FA birinchi vitse-prezidenti Ravshan Irmatov, tajribali instruktorlar hamda FIFA hakamlari tomonidan muhokama etilib, har bir yosh hakam bilan individual tarzda suhbatlar o‘tkazildi. ularning kamchiliklari tahlil qilinib, kerakli tushuntirish va tavsiyalar berildi.

⚽️ t.me/uzfhm