Sirdaryo viloyatida faoliyat olib borayotgan hakamlarning jismoniy holatini yaxshilash bo'yicha o'tkazilgan amaliy mashgʻulotdan videolavha

⚽️ t.me/uzfhm

⚽️O‘FA va O‘zFHM tomonidan hakamlar va nazoratchilar uchun tashkillashtirilgan yozgi o‘quv-seminar 22-iyuldan start oladi

Seminar davomida hakamlar jismoniy tayyorgarlik bo‘yicha sinov-normativlardan o‘tadi, o‘yin qoidalari bo‘yicha bilimlarini aniqlash uchun test topshiradi va video materiallar orqali amaliy ko‘nikmalarini yangilaydi. Shuningdek, hakamlar va nazoratchilar uchun IFAB tomonidan 2025–2026-yilgi mavsum uchun o‘yin qoidalariga (3, 8, 9, 10, 12, 14) kiritilgan o‘zgarishlar yuzasidan batafsil ma’lumot beriladi.

Ushbu o‘zgarishlar O‘zbekiston Superligasi, Proliga, Birinchi liga, U-21, U-19 hamda ayollar ligasida ikkinchi davradan boshlab qo‘llaniladi.

O‘zFHM yangi qoidalar bo‘yicha ikkinchi davra boshlanishidan avval barcha jamoalar futbolchilariga tushuntirish ishlarini olib borishni rejalashtirmoqda.

⚽️Seminar jadvali:

22–23-iyul — Hakamlar nazoratchilari uchun o‘quv-seminar
24–25-iyul — Superliga hakamlari
26–27-iyul — Proliga va ayollar ligasi hakamlari
28–29-iyul — Birinchi liga hakamlari

⚽️ t.me/uzfhm

📋 OAV vakillari diqqatiga

O‘zbekiston futbol assotsiatsiyasi va Futbol hakamlari markazi tomonidan 2025–2026-yilgi mavsumga tayyorgarlik doirasida OAV vakillari uchun seminar tashkil etiladi. Tadbir xalqaro futbol qoidalarini belgilovchi tashkilot — IFAB tomonidan tasdiqlangan o‘yin qoidalariga kiritilgan muhim o‘zgarishlar — xususan 3, 8, 9, 10, 12 va 14-bandlar yuzasidan jurnalistlar, sharhlovchilar va media vakillariga batafsil ma'lumotlar berish maqsadida o‘tkaziladi.

Mazkur tadbir OAV xodimlari uchun yangi mavsum davomida futbol qoidalarini to‘g‘ri talqin qilish, professional yondashuv asosida sharhlash hamda muxlislar va futbol jamoatchiligiga aniq axborot yetkazishda muhim vosita bo‘lib xizmat qiladi.

🗓 24-iyul | 11:15
📍 “Chig‘atoy” sport bazasi

⚽️ t.me/uzfhm

🤝“OFK Elit erkak hakamlar” seminari davom etmoqda

Xabaringiz bor, 8 nafar o’zbekistonlik hakamlar Janubiy Koreyaning Seul shahrida bo’lib o’tayotgan “OFK Elit erkak hakamlar” Sharqiy mintaqasi boʻyicha seminarida ishtirok etmoqda. Shuningdek, Farhod Abdullayev ushbu seminarda hakamlarga o’z bilim va tajribalarini ulashib, mahorat darslarini olib bormoqda.

Ma’lumot uchun, seminar 25-iyulgacha davom etadi.

⚽️ t.me/uzfhm