Proliga va ayollar Oliy ligasi hakamlari uchun seminar boshlandi

Dastlab O‘FA maydonida Proliga va ayollar Oliy ligasida faoliyat yuritayotgan hakamlar jismoniy tayyorgarlik bo‘yicha amaliy mashg‘ulotlarda ishtirok etishdi. Ular belgilangan normativlarni bajarib, jismoniy holatini sinovdan o‘tkazishdi. Natijada nazoratchilar hakamlarning jismoniy holatini aniqlab oldi.

Seminarning ikkinchi qismida esa xalqaro futbol qoidalarini belgilovchi IFAB tomonidan tasdiqlangan eng so‘nggi o‘zgarishlar — xususan, 3, 8, 9, 10, 12 va 14-bandlardagi yangiliklar — hakamlar, jurnalistlar, sharhlovchilar hamda boshqa media vakillariga batafsil tushuntirildi.

⚽️ t.me/uzfhm

Jamoalarga o‘yin qoidalaridagi yangi o‘zgarishlar tushuntirilmoqda

Ma’lumki, xalqaro futbol qoidalarini ishlab chiqadigan IFAB tomonidan o‘yin qoidalariga so‘nggi o‘zgarishlar kiritildi. Jumladan, 3, 8, 9, 10, 12 va 14-bandlarga tegishli o‘zgartirishlar joriy etildi.

Shu sababli jamoalarga yangi qoidalarni tushuntirish maqsadida maxsus seminarlar tashkil etilmoqda. Superliganing “Qizilqum, “Nasaf” va OKMK jamoalariga, shuningdek, ushbu jamoalarning U21, U19 va ayollar jamoalariga ham instruktorlar tomonidan batafsil tushuntirish ishlari olib borildi.

Qolgan jamoalar uchun ham reja asosida 2025–2026-yilgi mavsumning ikkinchi davrasi boshlanguniga qadar yangi o‘zgarishlar yuzasidan tushuntirish ishlari davom ettiriladi.

⚽️ t.me/uzfhm