Proliga va ayollar Oliy ligasi hakamlari uchun seminar yakunlandi

Seminar davomida Proliga va ayollar Oliy ligasida faoliyat yuritayotgan hakamlar jismoniy tayyorgarlik bo‘yicha amaliy mashg‘ulotlarda ishtirok etdi. Ular belgilangan normativlarni bajarib, jismoniy holatini sinovdan o‘tkazishdi. Natijada nazoratchilar hakamlarning jismoniy holatini aniqlab oldi. Shuningdek, xalqaro futbol qoidalarini belgilovchi IFAB tomonidan tasdiqlangan eng so‘nggi o‘zgarishlar — xususan, 3, 8, 9, 10, 12 va 14-bandlardagi yangiliklar — hakamlar, jurnalistlar, sharhlovchilar hamda boshqa media vakillariga batafsil tushuntir berildi.

⚽️ t.me/uzfhm

Jamoalarga o‘yin qoidalaridagi yangi o‘zgarishlar tushuntirilmoqda

Ma’lumki, xalqaro futbol qoidalarini ishlab chiqadigan IFAB tomonidan o‘yin qoidalariga so‘nggi o‘zgarishlar kiritildi. Jumladan, 3, 8, 9, 10, 12 va 14-bandlarga tegishli o‘zgartirishlar joriy etildi.

Shu sababli jamoalarga yangi qoidalarni tushuntirish maqsadida maxsus seminarlar tashkil etilmoqda.

Superliganing “So’g’diyona” jamoasi, shuningdek, ushbu klubning ayollar, U-21 hamda U-19 jamoalariga o'zgarishlar bo'yicha batafsil tushuntirishlar berildi.

Seminarni Respublika toifasidagi nazoratchi hakam Shuhrat Karimov, Jizzax viloyati futbol assotsiatsiyasi hakamlar va nazoratchilarni tayyorlash bo’yicha mutaxassis Bexruz Berdibekov va Superliga hakami Mahmud Turdiyevlar olib borishdi.

⚽️ t.me/uzfhm

Superliga va Proliga translyatsiyasida faoliyat olib boruvchi rejissyor va tasvirchilarga xalqaro futbol qoidalarini belgilovchi IFAB tomonidan tasdiqlangan eng so‘nggi o‘zgarishlar — xususan, 3, 8, 9, 10, 12 va 14-bandlardagi yangiliklar bo‘yicha batafsil tushuntirishlar berildi.

Shuningdek, VAR va translyatsiya texnologiyalaridan foydalanish masalalari muhokama qilindi.

⚽️ t.me/uzfhm

📍 Toshkentda futzal hakamlari uchun FIFA seminari boshlandi

O‘quv seminari FIFA instruktori Badrul Hasan Bin Kalam va jismoniy tayyorgarlik bo‘yicha instruktor Yuliya Tarasova tomonidan olib borilmoqda.

Seminar davomida hakamlarga futzal o‘yin qoidalariga kiritilgan o‘zgarishlar bo‘yicha ma'lumotlar berilib, ularning jismoniy tayyorgarlik holati tekshiruvdan o‘tkaziladi.

⚽️ t.me/uzfhm