OFK tomonidan VAR mutaxassislari uchun o‘quv-seminar tashkil etildi

Malayziyaning Kuala-Lumpur shahrida OFK tomonidan VAR tizimi bo‘yicha mutaxassislar uchun maxsus o‘quv-seminar bo‘lib o‘tmoqda.

Uch kun davom etadigan mazkur seminarda Hakamlar markazining VAR bo‘limi boshlig‘i Jahongir Saidov, shuningdek, texnik operatorlar Sherali Janaliyev va Jamshid Imamov ishtirok etmoqda.

Seminar davomida VAR texnologiyasidagi so‘nggi yangiliklar, o‘yin holatlarini turli rakurslardan tahlil qilish, texnik jihozlardan samarali foydalanish va amaliy mashg‘ulotlar asosida ko‘nikmalarni mustahkamlash kabi yo‘nalishlar bo‘yicha ma’ruzalar o‘qilmoqda.

⚽️ t.me/uzfhm

📋 O‘zbekiston futbol hakamligi tizimini yangi bosqichga olib chiqish, yosh hakamlarning nazariy bilimlari va amaliy tajribasini oshirish maqsadida O‘zbekiston futbol assotsiatsiyasi tomonidan Hakamlar akademiyasi tashkil etilganidan xabaringiz bor. Ayni kunlarda akademiya o‘quv-kursining 3-moduliga start berildi.

Amaliy mashg‘ulotlar uchun yosh hakamlar Toshkent shahri mezbonlik qilayotgan U-14 jamoalari ishtirok etayotgan “Sport maktablari futbol ligasi” Oʻzbekiston chempionati bahslarini boshqarib borishmoqda.

Nazariy mashg‘ulotlar davomida ularning o‘yinlar davomidagi xatti-harakatlari, pozitsiya egallash mahorati, qaror qabul qilishdagi aniqliklari tajribali instruktorlar hamda FIFA hakamlari tomonidan muhokama etilib, har bir yosh hakam bilan individual tarzda suhbatlar o‘tkazildi. ularning kamchiliklari tahlil qilinib, kerakli tushuntirish va tavsiyalar berildi.

⚽️ t.me/uzfhm