⚽️Superliganing 23–24-turlari boʻyicha inspektorlar va hakamlar ishtirokida tahlil oʻtkazildi

Oʻzbekiston Superligasining 23 va 24-tur uchrashuvlari boʻyicha Zoom platformasida navbatdagi tahlil yigʻilishi boʻlib oʻtdi. Unda bosh hakamlar, yordamchi hakamlar, VAR mutaxassislari hamda instruktorlar ishtirok etdi.

Mazkur tahlil davomida Bobur Haydarov, Farhod Abdullayev, Valentin Kovalenko va Jahongir Saidov hakamlar tomonidan qabul qilingan ijobiy hamda bahsli qarorlarni batafsil muhokama qildi.

Yigʻilish yakunida hakamlarga FIFA va OFK instruktorlar tavsiyalariga asosan keyingi tur bahslarida kamchiliklarni oldini olish maqsadida zarur tushuntirish va tavsiyalar berildi.

⚽️ t.me/uzfhm

⚽️Hakamlar akademiyasida navbatdagi o‘quv moduli boshlandi

Navoiy viloyatida Hakamlar akademiyasining navbatdagi o‘quv moduli o‘z ishini boshladi. Unda yosh hakamlar amaliy mashg‘ulotlar va turli sinovlardan o‘tkazilmoqda va ularning natijalari muntazam qayd etib borilmoqda.

Mazkur amaliy modul Ma’mur Saidkasimov, Yuliya Tarasova, Aleksandr Popov va Valentin Kavolenkolar tomonidan olib borilmoqda.

Akademiya o‘quvchilari ushbu modul doirasida Navoiy viloyatida 2008-yilda (U-17) tug‘ilgan o‘smirlar o‘rtasidagi viloyat terma jamoalari ishtirok etadigan “O‘zbekiston chempionati” bahslarida hakamlik qilishadi. Ushbu o‘yinlar orqali ularning amaliy ko‘nikmalari va jismoniy tayyorgarligi sinovdan o‘tkazilada.

Musobaqa davomida o‘yinlar doimiy ravishda tahlil qilinib, aniqlangan kamchiliklar yuzasidan nazariy mashg‘ulotlarda tegishli tavsiyalar va ko‘rsatmalar berib boriladi.

⚽️ t.me/uzfhm