📹 Superliga jamoalari maydonlariga VAR tizimini joriy etish jarayoni boshlandi

Prezident qaroriga asosan mamlakat futbolida zamonaviy texnologiyalarni tatbiq etish, xususan, VAR tizimidan markazlashgan holda foydalanish va hakamlik faoliyatini yanada rivojlantirish maqsadida Superliga jamoalari maydonlariga VAR (Video Assistant Referee) tizimini o‘rnatish bo‘yicha ishlar boshlab yuborildi.

O‘zbekiston futbol hakamlar markazi VAR texnologiyalari bo‘limi boshlig‘i Jahongir Saidov, Hawkeye kompaniyasi vakili Artyom Kuparshskiy hamda Superliga jamoalari mas’ullari ishtirokida Zoom platformasi orqali onlayn yig‘ilish o‘tkazildi.

Yig‘ilish davomida ishtirokchilarga VAR tizimining ishlash prinsipi, texnik talablari, o‘rnatilish tartibi va narx siyosati haqida batafsil ma’lumot berildi.

⚽️ t.me/uzfhm

⚽️ Ekspert hakamlar guruhi “Paxtakor” va “Buxoro” uchrashuvidagi bahsli vaziyat yuzasidan xulosa berdi

“Paxtakor” va “Buxoro” jamoalari oʻrtasidagi Oʻzbekiston kubogi final uchrashuvida “Buxoro” jamoasi tomonidan kiritilgan gol hisobga olinmadi.

VAR tekshiruvi natijasiga koʻra, birinchi holatda “Buxoro”ning 93-raqamli futbolchisi ofsayd holatida boʻlgan, ikkinchi vaziyatda esa 22-raqamli futbolchi ham oʻyindan tashqari holatda boʻlgan. Shu sababli ushbu futbolchilar hujum epizodida faol ishtirok etgani sababli golni inobatga olmadi.

📸 Quyidagi suratda vaziyatning ofsayd chizigʻi aniq koʻrinmoqda — “Buxoro” futbolchisi himoyachidan oldinda joylashgan.

⚽️ t.me/uzfhm

⚽️ Ekspert hakamlar guruhi “Paxtakor” – “Buxoro” uchrashuvidagi bahsli epizod yuzasidan xulosa berdi

“Paxtakor” va “Buxoro” jamoalari o‘rtasidagi uchrashuvning 75-daqiqasida “Paxtakor” futbolchisi raqibga nisbatan qo‘pol tarzda o‘ynadi. VAR aralashuvidan so‘ng bosh hakam epizodni qayta ko‘rib chiqdi, biroq o‘z qarorini o‘zgartirmay, futbolchiga sariq kartochka ko‘rsatish bilan chekladi.

Ekspert hakamlar guruhi mazkur holatda bosh hakam “Paxtakor” futbolchisiga to‘g‘ridan to‘g‘ri qizil kartochka ko‘rsatishi lozimligini, uning qarori noto‘g‘ri bo‘lganini ta’kidladi.

⚽️ t.me/uzfhm

📍 Hakamlarimiz U-17 Jahon chempionatida ishlash uchun Qatarga yetib bordi

Oʻzbekistonlik hakamlar Rustam Lutfullin, Sanjar Shoyusupov va Akmal Giyasiovlar Doha shahrida mashgʻulotlarni boshlashdi.

⚽️ t.me/uzfhm

⚡️ O‘zbekiston kubogi finalidagi bahsli vaziyatlar tahlil qilindi

Bugun O‘zbekiston futbol assotsiatsiyasida O‘zbekiston kubogi final uchrashuvida hakamlar tomonidan qabul qilingan qarorlar muhokama qilindi.

Dastlab O‘zbekiston futbol hakamlar markazi rahbari vazifasini bajaruvchi Ma’mur Saidqosimov so‘zga chiqib, final bahsida kuzatilgan bahsli vaziyatlar yuzasidan o‘z fikrlarini bildirdi. Uchrashuv davomida hakamlarning har bir qarori batafsil tahlil qilinganini ta’kidladi.

Shundan so‘ng hakamlar tomonidan barcha epizodlar bo‘yicha ekspertlarning fikrlari bayon etildi.

Tadbir davomida final uchrashuvidagi barcha bahsli vaziyatlar birma-bir ko‘rib chiqildi va jurnalistlar savollariga javob berildi. Shuningdek, final uchrashuvida ishlagan hakamlar o‘z qarorlari yuzasidan izoh berib, ommaviy axborot vositalari vakillarining savollariga javob berdilar.

Uchrashuv yakunida bu kabi tahliliy uchrashuvlarni muntazam o‘tkazib borish muhimligi qayd etildi.

💳 Uzcard | ❤️ Uzum Bank | ⚡️ t.me/FAUzbekistan

⚽️ Ekspert hakamlar guruhi “So’g’diyona” – “Qizilqum” uchrashuvidagi bahsli epizod yuzasidan xulosa berdi

“So’g’diyona” va “Qizilqum” jamoalari o‘rtasidagi uchrashuvning 72-daqiqasida “Qizilqum” futbolchisi raqibga nisbatan qo‘pol tarzda harakat qildi.

VAR aralashuvidan so‘ng bosh hakam epizodni qayta ko‘rib chiqib, noto’g’ri talqin qilgan holda qo’pol harakatni amalga oshirgan futbolchiga sariq kartochka ko’rsatdi. Bu vaziyatga yaqin turgan yordamchi hakam bosh hakamga vaziyat yuzasidan aniq ma'lumot berishi zarur edi.

Ekspert hakamlar guruhi xulosasiga ko‘ra, mazkur holatda bosh hakam “Qizilqum” futbolchisiga to‘g‘ridan to‘g‘ri qizil kartochka ko‘rsatishi lozim edi, uning qarori noto‘g‘ri bo‘lgan.

⚽️ t.me/uzfhm