⚽️ CAFA U-18 musobaqasida faoliyat yurituvchi hakamlar jismoniy tayyorgarlikdan o‘tkazildi

Xabaringiz bor, 22—29-noyabr kunlari Toshkentda qizlar o‘rtasida CAFA U-18 musobaqasi bo‘lib o‘tadi.

Turnirda ishlovchi hakamlar o‘yinlarga to‘liq tayyor bo‘lishi uchun ularning jismoniy holati instruktorlar tomonidan sinovdan o‘tkazildi.

Mazkur musobaqada o‘zbekistonlik hakamlar: Dildora Rustamova va Nasibabonu Toshmuhammedova bosh hakam sifatida, Xayriniso Erkinova esa yordamchi hakam sifatida faoliyat olib boradi.

⚽️ t.me/uzfhm

⚽️ CAFA U-18 musobaqasida oʻzbekistonlik hakamlar faoliyat olib bormoqda

Milliy futbol markazida boʻlib oʻtayotgan qizlar oʻrtasida CAFA U-18 musobaqasining Qirgʻiz Respublikasi — Eron terma jamoalari oʻrtasidagi bahsda Nasibabonu Toshmuhammedova bosh hakam sifatida, Xayriniso Erkinova yordamchi hakam boʻlib faoliyat olib bordi.

⚽️ t.me/uzfhm

⚽️ CAFA U-18 musobaqasida oʻzbekistonlik hakamlar faoliyatini davom ettirmoqda

Milliy futbol markazida boʻlib oʻtayotgan qizlar oʻrtasida CAFA U-18 musobaqasining Tirkmaniston — Qirgʻiz Respublikasi terma jamoalari oʻrtasidagi bahsdaDildora Rustamova bosh hakam sifatida, Xayriniso Erkinova yordamchi hakam boʻlib faoliyat olib bordi.

⚽️ t.me/uzfhm

⚽️ Hakamlar akademiyasining oxirgi o‘quv moduli boshlandi

Ma’lumki, ilk bor O‘zbekistonda tashkil etilgan Hakamlar akademiyasi o‘z faoliyatini davom ettirmoqda. Akademiyaning dastlabki tinglovchilari yil yakunida o‘qishni muvaffaqiyatli tamomlab, sertifikatga ega bo‘lishadi.

Hozirda akademiya o‘quvchilari Toshkent shahrida o‘tkazilayotgan O‘FA birinchiligi musobaqasining U-16 yosh toifasidagi bahslarida faoliyat olib bormoqda. Ularning maydondagi harakatlari va boshqaruv jarayoni tajribali instruktorlar — Bobur Haydarov, Valentin Kovalenko, Aleksandr Popov, Baxtiyor Tagayev, Viktor Serazitdinov va Baxtiyor Namozov tomonidan muntazam kuzatib borilmoqda.

Bahslardan so‘ng yosh hakamlar ishtirokida o‘yinlarga bag‘ishlangan batafsil tahlil jarayonlari ham tashkil etilmoqda. Bu jarayon ularning amaliy ko‘nikmalarini mustahkamlashda muhim o‘rin egallaydi.

Shuningdek, yosh hakamlar uchun qulay sharoitlar yaratilgan bo‘lib, ular O‘FA va Hakamlar markazi tomonidan yotoqxona hamda sifatli oziq-ovqat bilan to‘liq ta’minlanmoqda.

⚽️ t.me/uzfhm

⚽️ Hakamlar akademiyasi tinglovchilari O‘FA birinchiligi o‘yinlarida faoliyat olib bormoqda

Toshkent shahrida turli yosh toifalari bo‘yicha O‘FA birinchiligi musobaqalarining guruh bosqichi bahslari davom etmoqda. Bugun U-16 toifasidagi uchrashuvlarda Hakamlar akademiyasi tinglovchilari hakamlik amaliyotini olib bordi.

Tinglovchilar mazkur o‘yinlarda bosh hakam, yordamchi hakam va zaxira hakami sifatida ishlashib, o‘z bilim va ko‘nikmalarini amalda sinovdan o‘tkazishdi.

Yosh hakamlar o‘yin davomida tajribali instruktorlar tomonidan doimiy kuzatib borilmoqda, har bir o‘yin yakunida esa yosh hakamlarga xato, to‘g‘ri pozitsiya tanlash va o‘yin boshqaruvi bo‘yicha batafsil tushuntirishlar berilmoqda.

⚽️ t.me/uzfhm