⚽️ Hakamlar akademiyasining oxirgi o‘quv moduli boshlandi

Ma’lumki, ilk bor O‘zbekistonda tashkil etilgan Hakamlar akademiyasi o‘z faoliyatini davom ettirmoqda. Akademiyaning dastlabki tinglovchilari yil yakunida o‘qishni muvaffaqiyatli tamomlab, sertifikatga ega bo‘lishadi.

Hozirda akademiya o‘quvchilari Toshkent shahrida o‘tkazilayotgan O‘FA birinchiligi musobaqasining U-16 yosh toifasidagi bahslarida faoliyat olib bormoqda. Ularning maydondagi harakatlari va boshqaruv jarayoni tajribali instruktorlar — Bobur Haydarov, Valentin Kovalenko, Aleksandr Popov, Baxtiyor Tagayev, Viktor Serazitdinov va Baxtiyor Namozov tomonidan muntazam kuzatib borilmoqda.

Bahslardan so‘ng yosh hakamlar ishtirokida o‘yinlarga bag‘ishlangan batafsil tahlil jarayonlari ham tashkil etilmoqda. Bu jarayon ularning amaliy ko‘nikmalarini mustahkamlashda muhim o‘rin egallaydi.

Shuningdek, yosh hakamlar uchun qulay sharoitlar yaratilgan bo‘lib, ular O‘FA va Hakamlar markazi tomonidan yotoqxona hamda sifatli oziq-ovqat bilan to‘liq ta’minlanmoqda.

⚽️ t.me/uzfhm

⚽️ Hakamlar akademiyasi tinglovchilari O‘FA birinchiligi o‘yinlarida faoliyat olib bormoqda

Toshkent shahrida turli yosh toifalari bo‘yicha O‘FA birinchiligi musobaqalarining guruh bosqichi bahslari davom etmoqda. Bugun U-16 toifasidagi uchrashuvlarda Hakamlar akademiyasi tinglovchilari hakamlik amaliyotini olib bordi.

Tinglovchilar mazkur o‘yinlarda bosh hakam, yordamchi hakam va zaxira hakami sifatida ishlashib, o‘z bilim va ko‘nikmalarini amalda sinovdan o‘tkazishdi.

Yosh hakamlar o‘yin davomida tajribali instruktorlar tomonidan doimiy kuzatib borilmoqda, har bir o‘yin yakunida esa yosh hakamlarga xato, to‘g‘ri pozitsiya tanlash va o‘yin boshqaruvi bo‘yicha batafsil tushuntirishlar berilmoqda.

⚽️ t.me/uzfhm

⚽️ Hakamlar akademiyasi 6-moduli davom etmoqda

Hakamlar akademiyasi tinglovchilari Toshkentda bo‘lib o‘tayotgan O‘FA birinchiligi doirasidagi U-16 yosh toifasidagi uchrashuvlarda amaliyot olib bormoqda. Bugungi o‘yinlardan so‘ng navbatdagi tahlil mashg‘uloti tashkil etildi.

Uchrashuvlar bo‘yicha tahlil jarayonini tajribali hakamlar Ilgiz Tantashev, Ahrol Risqullayev, Timur Gaynullin hamda instruktor Konstantin Smirnov olib bordi.

Mutaxassislar yosh hakamlarga o‘z tavsiya va ko‘rsatmalarini berib, o‘yin epizodlari bo‘yicha batafsil tahlil o‘tkazishdi.

Akademiyada amaliyot va nazariya uyg‘unligi orqali yosh hakamlarning malakasi doimiy ravishda rivojlantirib borilmoqda.

⚽️ t.me/uzfhm