⚽️ Sharhlovchilar uchun o‘yin qoidalaridagi yangi o‘zgarishlar bo‘yicha seminar bo‘lib o‘tdi

Bugun Futbol hakamlari markazi mutaxassislari ishtirokida futbol sharhlovchilari uchun maxsus seminar tashkil etildi. Tadbir davomida o‘yin qoidalariga kiritilgan so‘nggi o‘zgarishlar, bahsli vaziyatlarga to‘g‘ri yondashuv hamda hakamlik qarorlarini talqin qilish masalalari batafsil tushuntirildi.

Seminarda zamonaviy futbol talablari, VAR bilan bog‘liq holatlar, qo‘l bilan o‘ynash, ofsayd va boshqa muhim epizodlar yuzasidan amaliy misollar orqali izohlar berildi. Shuningdek, shahrlovchilar tomonidan berilgan savollarga batafsil javob berildi.

Mazkur seminar sharhlovchilarga o‘yin qoidalaridagi yangiliklarni chuqurroq anglash, uchrashuvlar davomida yuzaga keladigan bahsli vaziyatlarni muxlislarga yanada to‘g‘ri va tushunarli tarzda yetkazib berishda muhim ahamiyat kasb etdi.

⚽️ t.me/uzfhm

⚽️Qashqadaryo viloyatida hakamlar va nazoratchilar ishtirokida markazlashtirilgan mashg'ulotlar tashkil etildi.

"Geolog" stadionida bo'lib o'tgan mashg'ulotlarda hakamlar SDS testi, yordamchi hakamlar esa ARIET testini topshirdi.

Ma’lumot uchun, ushbu sinovlar orqali hakamlarning jismoniy holati va o‘yin davomida yuqori darajada ishlashga tayyorligi tekshiruvdan o’tkazildi.

⚽️ t.me/uzfhm

⚽️ Sirdaryo viloyati hakamlarining qishki yig‘inga tayyorgarligi davom etmoqda

O‘zbekiston futbol hakamlari markazi tomonidan tashkil etiladigan qishki o‘quv-yig‘in mashg‘ulotlariga tayyorgarlik doirasida sirdaryolik hakamlar amaliy va nazariy sinovlardan o‘tkazildi

Doston Rahmonov hamda Qahramon Yuldashev boshchiligida o‘tgan mashg‘ulotlarda hakamlar SDS, ARIET va fitness testlarini topshirishdi. Shuningdek, futbol qoidalari bo‘yicha nazariy bilimlar sinovdan o‘tkazildi.

⚽️ t.me/uzfhm