⚽️ Buxoro va Navoiy viloyati hakamlari uchun markazlashtirilgan mashg‘ulotlar o‘tkazildi

Buxoro futbol akademiyasi maydonida ikki viloyatning turli ligalarida faoliyat yurituvchi hakamlari ishtirokida amaliy mashg‘ulotlar bo‘lib o‘tdi

Zokir Qodirov va Aleksandr Burov boshchiligida o‘tgan seminarda hakamlarning jismoniy holati ko‘zdan kechirildi. O‘zFHM tomonidan o‘tkaziladigan mavsumoldi imtihonlarga tayyorgarlik doirasida hakamlar fitness-chek sinovlaridan o‘tishdi.

📽 Video

⚽️ t.me/uzfhm

🤝 O‘zbekistonlik hakamlar jamoasi Osiyo kubogi chorak final bahslarida faoliyat olib boradi

16-yanvar kuni U-23 Osiyo kubogi chorak final bosqichi doirasida bo‘lib o‘tadigan Yaponiya va Iordaniya jamoalari o‘rtasidagi bahsda o‘zbekistonlik hakamlar jamoasi faoliyat olib boradi.

⚽️ Bosh hakam: Asker Najafaliyev
⚽️ Yordamchi hakam: Ruslan Serazitdinov, Baxtiyorxo'ja Shavkatov
🖥 VAR hakami: Firdavs Norsafarov

⚽️ t.me/uzfhm

⚽️ Bugun Milliy futbol markazida O‘zbekiston Superligasi hakamlari o'quv-mashg'ulot yig'inlari hamda Superliganing yangi mavsumi oldidan tibbiy ko'rikdan o'tishdi.

⚽️ t.me/uzfhm

🖥 Superligada faoliyat yuritayotgan VAR texnik xodimlari ishtirokida video-muloqot yig‘ilishi o‘tkazildi.

Yig‘ilishda soha mutaxassislari stadion texnik xodimlari bilan tanishib, taqdimotlar yordamida ularning ish faoliyati va asosiy vazifalari haqida tushuntirish berildi.

Endilikda, O’zFHM tomonidan ayrim xodimlar saralab olinib, Toshkent shahrida malaka oshirish kurslariga jalb etiladi.

⚽️ t.me/uzfhm

Bugun Superligada faoliyat olib boruvchi bosh hakam va yordamchi hakamlar ishtirokida VAR simulyatoriga bag‘ishlangan seminar bo‘lib o‘tdi.

Mashg‘ulotlar davomida VAR tizimidan foydalanish bo‘yicha amaliy mashqlar o‘tkazilib, o‘yin jarayonida uchraydigan murakkab vaziyatlar videolavhalar orqali tahlil qilindi. Qaror qabul qilish jarayonidagi muhim jihatlar, hakamlar va VAR operatorlari o‘rtasidagi o‘zaro hamkorlik, shuningdek, protokol talablari yuzasidan batafsil tushuntirishlar berildi.

Seminar hakamlarning VAR tizimi bilan ishlash ko‘nikmalarini yanada mustahkamlash, bahsli vaziyatlarda to‘g‘ri va tezkor qaror qabul qilish darajasini oshirishga qaratildi. Ushbu o‘quv jarayoni yangi mavsumda o‘yinlarning adolatli va yuqori saviyada o‘tkazilishiga xizmat qiladi.

⚽️ t.me/uzfhm

⚽️ Bugun Milliy futbol markazida Superliga, Proliga hamda Birinchi ligada faoliyat olib boruvchi hakamlar nazoratchilari yangi mavsum oldidan tashkil etilgan o‘quv jarayonida ishtirok etmoqda.

Mazkur o‘quv mashg‘ulotlari davomida hakamlik faoliyatini baholash mezonlari, o‘yin jarayonidagi muhim holatlarni tahlil qilish, reglament talablari, shuningdek, yangi mavsumda hakamlik tizimiga oid joriy etiladigan yangiliklar yuzasidan batafsil tushuntirishlar berilmoqda.

Ushbu jarayon hakamlar nazoratchilarining kasbiy salohiyatini oshirish hamda musobaqalarning adolatli va yuqori saviyada o‘tkazilishini ta’minlashga qaratilgan.

⚽️ t.me/uzfhm