⚽️ Bugun Toshkent viloyatida joylashgan Milliy futbol markazida IFAB texnik direktori David Ellari ishtirokida seminar bo‘lib o‘tmoqda.

Seminarning birinchi qismida asosan Superliga va Pro ligada faoliyat olib borayotgan hakamlar, shuningdek professional klublar vakillari jonli tarzda hamda Zoom platformasi orqali qatnashib, o‘yin qoidalaridagi so‘nggi yangilanishlar, VAR protokoli va qoidalarni bir xil talqin qilish masalalari bo‘yicha muhim ma’lumotlarga ega bo‘lishdi.

Ayni paytda seminar davom etmoqda.

⚽️ t.me/uzfhm

⚽️ Superligaga nomzod hakamlar Farg‘ona viloyatida o‘quv-mashg'ulot yig'iniga kirishdi

Superligaga nomzod bo‘lgan, Proligada faoliyat olib boruvchi bosh hakamlar va yordamchi hakamlarning navbatdagi o‘quv-mashg‘ulot yig‘ini Farg‘ona viloyatida davom etmoqda. Hakamlar belgilangan manzilga yetib kelib, nazariy mashg‘ulotlarga kirishdi.

Yig‘in davomida hakamlar uchun zamonaviy hakamlik talablari, o‘yin qoidalariga kiritilgan so‘nggi o‘zgarishlar, bahsli vaziyatlarni tahlil qilish hamda amaliy faoliyatga oid muhim masalalar atroflicha muhokama qilinmoqda.

Mazkur yig‘in doirasida hakamlar 28-yanvardan start oladigan “Hokim kubogi” musobaqasi uchrashuvlarida faoliyat olib borib, amaliy tajribalarini yanada oshiradi. Ushbu o‘yinlar hakamlarning jismoniy, nazariy va psixologik tayyorgarligini sinovdan o‘tkazishda muhim ahamiyat kasb etadi.

⚽️ t.me/uzfhm

⚽️ Superligaga nomzod bo‘lgan, Proligada faoliyat olib boruvchi bosh hakamlar va yordamchi hakamlar uchun tashkil etilgan navbatdagi o‘quv-mashg‘ulot yig‘ini Farg‘ona viloyatida yuqori saviyada davom etmoqda.

Bugun hakamlar dastlab nazariy mashg‘ulotlarda ishtirok etib, o‘yin qoidalariga oid so‘nggi o‘zgarishlar, murakkab vaziyatlar tahlili hamda hakamlikdagi zamonaviy talablar bo‘yicha bilimlarini mustahkamladi. Shundan so‘ng mashg‘ulotlar amaliy maydonga ko‘chirilib, jismoniy tayyorgarlik va o‘yin epizodlari asosida ishlanmalar olib borildi.

Mazkur yig‘in doirasida hakamlar bugun “Hokim kubogi” musobaqasi uchrashuvlarida faoliyat olib borib, nazariy bilimlarini real o‘yin jarayonida amaliyot bilan uyg‘unlashtiradi.

⚽️ t.me/uzfhm